د نيوزیلېنډ کرکټ لوبډله په شل اوریز نړيوال جام کې افغانستان ته په ماتې ورکولو سره سيمي فاينل ته ووته.
د نومبر په ۷مه، په ابوظبۍ کې شوې دې سيالۍ کې لومړی بېټينګ افغانستان وکړ او نيوزیلېنډ ته یې د ګټې لپاره د ۱۲۵ رنزونو هدف ورکړ. نيوزیلېنډ دا منډې په اتلسم اوور کې د ۲ لوبغاړو په اوټ کېدو سره پوره کړي.
د نيوزیلېنډ ټرينټ بولټ درې افغان لوبغاړي اوټ کړل او د لوبې غوره لوبغاړی شو. دا په دې ټورنمنټ کې د افغانستان اخري لوبه وه.
د نیوزیلېنډ تر څنګ پاکستان، اسټراليا او انګلينډ سيمي فاينل ته وتلي دي.
