رسنۍ وايي، په پنجشېر کې د طالبانو پرضد د مقاومت جبهې ویاند فهیم دشتي په جګړه کې وژل شوی دی.
د افغانستان د ازادو خبریالانو ټولنې د سېپټېمبر پر پینځمه ماخوستن مهال پر خپله فېسبوک پاڼه د دشتي د وژنې خبر تایید کړی او هغه یې یو ښه خبریال او د خبریالانو ملاتړی یاد کړی دی.
دشتي له تېرو شاوخوا درو لسیزو راهیسې د خبریال په توګه کار کاوه او څو کلونه د افغانستان د خبریالانو د ملي ټولنې اجرایي مشر هم پاتې شوی دی.
دشتي ته یو شمېر نېږدې خبریالانو او د افغانستان ځینو کورنیو رسنیو هم د یکشنبې یا اتوار پر ماخوستن د هغه د وژلو خبرونه خپاره کړل.
