د سیند صوبې حکومت د کورونا وایرس پېښو کنټرول لپاره د جولای پر ۱۴مه د سکولونو او پارکونو د تړلو او په رستورانونو کې دننه په خوراک کولو بندیز لګولی دی.
په کراچۍ کې د جولای پر ۱۴مه د اعلا وزیر مراد علي شاه په مشرۍ کې د کورونا وایرس وبا د کنټرول کاري ډلې یوه غونډه وشوه چې پکې د جولای له ۱۶مې څخه د ټولو سکولونو د بندولو فیصله وشوه خو له نهم ټولګي څخه د پورته ټولګیو زده کوونکي به امتحانونو ته ځي.
حکومت همداراز، د جولای له ۱۵مې څخه په رستورانونو کې دننه د خوړو پر خوړلو به بندیز وي.
دا په داسې حال کې ده چې کووېډ-۱۹ ناروغۍ په پاکستان کې په تېرو ۲۴ ساعتونو کې لږ تر لږه ۲۴ تنه وژلي دي.
د کورونا وایرس ناروغۍ په اړه د پاکستان حکومتي ووبپاڼې، د جولای پر ۱۴مه لیکلي دي چې تر اوسه له دې ناروغۍ په مجموعي توګه ۲۲،۶۴۲ کسان مړه شوي دي.
د ووبپاڼې په وینا، په تېرو ۲۴ ساعتونو کې د کورونا وایرس ۱،۹۸۰ تازه پېښې ثبت شوې دي چې ورسره په هغه هېواد کې د وبا له پیل راهیسې د وړجنو رسمي شمېر ۹۷۸،۸۴۷ ته رسېدلی دی.
ووبپاڼه زیاتوي چې په پاکستان کې د ۲۰۲۰ز کال له مارچ راهیسې ۹۱۵،۳۴۳ کسان له ناروغۍ رغېدلي دي.
