د افغانستان د لوګر ولایت په مرکز پل علم کې موټر بم برید شوی دی چې پکې لږ تر لږه ۲۴ تنه وژل شوي او ۱۱۰ نور ټپي شوي دي. د افغانستان د کورنیو چارو وزارت ویاند طارق ارین رسنیو ته وویل چې دا چاودنه د طالبانو کار دی. نوموړي زیاته کړه چې د پېښې قربانیان ټول ملکي وګړي دي. خو د دې حملې مسوولیت تراوسه کومې ډلې نه دی منلی، خو د طالبانو ویاند ذبیح الله مجاهد مشال راډیو ته وویل چې په دې اړه د دوی څېړنې روانې دي.
