د ځوان باکسر اسلم خان مړی نن سهار له کراچۍ څخه پښین ته یووړل شو او په خپله پلرنۍ ادیره کې خاورو ته وسپارل شو.
د هغه په په جنازه کې د پښین سیاسي او ولسي مشرانو په ډېر شمېر کې برخه واخیسته.
باکسر اسلم خان د جنورۍ پر ۳۱مه په کراچۍ کې د باکسنګ په یوه سیالۍ کې د خپل سیال باکسر ولي خان له لوري پر سر د سوک وهلو پس بې هوشه شوی وو او د کراچۍ په یوه روغتون کې یې ساه ورکړه.
د پښین اوسېدونکي اسلم خان له ۲۰۰۷ز کال راهیسي د باکسنګ په سیالیو کي برخه اخیستله او په ۲۰۱۷ز کال کې د ۶۴ کیلو په وزن کې یې تمغه هم ګټلې او په ۲۰۲۰ ز کال کې یې د دران وزن (هېوي وېټ) لوبه په خپله نامه کړې وه.
