د لاسرسي ځای

تازه خبر

میانمار کې پوځي کودتا، انګ سان سوچي ګرفتاره


د انګ سان سوچي پلویانو د تای لنډ په بنکاک کې د میانمار سفارت مخې ته د پوځي کودتا خلاف لاریون وکړ. ۲۰۲۱، ۰۱ فبروري

د میانمار ځواکمن پوځ نن سهار کودتا کړې او د چاپو پر مهال یې د هېواد مشره انګ سان سوچي او د واکمن ګوند نور لوړ پوړي غړي ګرفتاره کړي دي.

نن د پوځ ټیليویژن اعلان وکړ چې د انتخاباتو پر سر د شخړې پر مهال د ثبات په موخه د یو کال لپاره بیړنۍ حالت یا ایمر جنسي لګوي. بلخوا امریکا، اسټرالیا او نورو هېوادونو پر کودتا او د حکومتي غړیو پر نیولو اندېښنې څرګندې کړي.

په میانمار کې پروسږکال په نومبر کې تر انتخاباتو وروسته د حکومت او پوځ ترمنځ اړیکې له دې وجې خرابې شوې وې چې پوځ په انتخاباتو کې د درغلیو خبره وکړه.

د سوچي ګوند نیشنل لیګ فار ډیموکریسي تر بریا وروسته ټاکل شوې وه چې پارلیمان به خپلې چارې د فبرورۍ پر لومړۍ نیټه پیل کړي.

د میانمار پوځ چې له تېرو پنځو لسیزو راهیسي پر هېواد واک لري، د انګ سان سوچي د ۲۰۱۵م کال انتخابات تر ګټلو او په واک کې تر راتللو وروسته یې په سیاست او اقتصاد کې زیات نفوذ پر ځای ساتلی دی.

ځانګړې پاڼې

له موږ سره اړیکي

XS
SM
MD
LG