د امريکا په کانګرس کې د ډیموکراټ او رپبلکن ګوند غړو په هغه صورت کې پر ماسکو د نويو بندیزونو غوښتنه وکړه چې که کريملین د سختو بنديزونو او جرمانو سزا د اقدام په عملي کولو سره په روس کې د ازادې اروپا ، ازادۍ راډيو نشريات له ګواښ سره مخامخ کړي.
د جنورۍ پر ۲۲مه، لېکل شوي خط کې د ولسمشر جو بايډن پر ادارې دا غږ هم شوی چې په بیلاروس کې د ازادې اروپا ، ازادۍ راډيو نشريات پیاوړي کولو لپاره دې لا نور ګامونه پورته کړي.
په بيلاروس کې د تېر کال له اګست میاشتي راهېسي د اليګساندر لوکاشینکا تر بیا انتخابیدو وروسته د حکومت ضد لاریونونه ترسره شوي دي.
اپوزيشن ډلې وايي چې په انتخاباتو کې درغلۍ شوې وې او د لویدیځ زياترو هېوادونو د لوکاشینکا د حکومت په رسمیت له پیژندلو انکار کړی دی.
د روس د رسنیو تنظیمونکي ادارې - روسکوم نازدور - په روانه میاشت کې اعلان وکړ چې په روس کې د ازادې اروپا ، ازادۍ راډيو په سلګونو زره ډالر جرمانه کوي.
دې ادارې تور پورې کړي وو چې رسنيزي اداري د دې هېواد "بهرني ايجنټ" نومې قانون له مخې چې کوم محدودیتونه يې لګول شوي هغه نه مراعتوي.
د دي ترڅنګ د دغه قانون ځینې هغو خبري سازمانونو کارونه لا نور سخت کړي چې له بهره پانګې ترلاسه کوي.
د دې قانون له وجې د ازادې راډيو ، ازادۍ راډيو خبريالان د مقدمو د جوړيدو له خطر سره مخامخ دي.
د دې لیک لاسلیک کوونکو د ډيموکراټ او رپبلکن ګوند دوو لوړ پورو غړو ګریګ میکس او مایکل ميککول ويلي چې "که ماسکو دا ګامونه جاري وساتي، نو بیا موږ تيار یو چې د روس په اړه د موجوده قوانين په پام کې نیولو سره ستاسو له ادارې سره کار وکړو او سزا ورکړو."
د کانګرس درې نورو غړو هم دغه ليک لاسلیک کړي.
