د پاکستان تحريک انصاف حکومت فیصله کړې چې لندن ته تللي د اپوزیشن ګوند، مسلم ليګ (ن) رهبر نواز شريف پاسپورټ به نه نوی کوي.
د راپورونو ترمخه د هغه د پاسپورټ موده د فرورۍ پر ۱۶مه ختمېږي.
پاکستان کورنيوو چارو وزیر شيخ رشيد احمد د ډېسېمبر پر ۳۰مه په اسلام اباد کې خبريالانو ته وويل چې په دغه نېټه به د نواز شريف پاسپورټ کېنسل کړي.
نواز شريف ته د درغليوو په قضيو کې اوه کاله قېد سزا شوي خو هغه پر ضمانت تر خوشې کېدو وروسته، د ۲۰۱۹ کال د نومبر راهیسې د درملنې لپاره په لندن کې اوسېږي.
نوموړی پر ځان لګيدلي تورونه بې بنياده او سياسي سازش بولي.
