د جنوبي وزیرستان په مرکز واڼه کې دا مظاهره د پښتون ژغورنې غورځنګ او د پاکستان پیپلز پارټۍ لخوا په شریکه وشوه.
مظاهره کوونکو د قامي اسمبلۍ د غړي علي وزیر ګرفتاري وغندله او له حکومته یې د نوموړي د زر تر زره خوشې کولو غوښتنه وکړه.
احتجاج کوونکو دا غوښتنه هم کوله چې د علي وزير پرضدد درج شوې مقدمې دې ختمې کړل شي.
د پېښور پولیسو علي وزیر د ډېسېمبر پر ۱۶مه د سيند پوليسو په خواست نيولی و.
د پوليسو په خبره د نوموړي حلاف د ډېسېمبر پر اوومه په کراچۍ کې پرچه کټ شوې وه چې پکې پر وزیر د ښار په سهراب ګوټ کې په جلسه کې د ریاست او پوځ پر ضد د ویناوو تور پورې شوی.
خو نوموړی دا تورونه ردوي.
د کراچۍ د ترهګرۍ ضد عدالت علي وزير د ډېسېمبر تر ۳۱مې پوليسو ته په عدالتي رېمانډ حواله کړی.
د علي وزير د ګرفتارۍ پرضد د پاکستان په بېلا بېلو سیمو کې احتجاجونه شوي دي.
