د شمالي وزیرستان په همځونۍ سیمه کې د ډېسېمبر پر اتمه د نامالومو وسلوالو په ډزو کې یو ځایي تن وژل شوی دی.
چارواکي او د سيمې خلکو ویلي د میرامشا په همځونۍ کې نامالومو وسلوالو پر یوه ځایي تن ډزې کړې او له پېښې وروسته تښتېدلي دي.
د سیمې پولیس وایي، د نامالو وسلوالو خلاف د پېښې اېف ای آر درج کړل شوی دی او پلټنې یې پېل کړي دي.
سږ کال دا په شمالي وزیرستان کې ۴۵مه هدفي پېښه ده چې پکې ځایي مشران او د سیمې اوسېدونکي د نامالومو وسلوالو لخوا په نښه شوي دي.
د سیمې خلکو بیا بیا احتجاجونه کړي او له حکومته یې د امنیت ټینګولو او د هدفي بریدونو د مخنیوي غوښتنې کړي دي.
بلخوا ځايي امنیتي چارواکي وايي، د سیمې د امنیت لپاره یې کوټلي اقدامات کړي دي.
