په سوات کې پر یو څلور کلن ماشوم د جنسي تېري په تور يو کس نیول شوی دی.
د چارباغ د پوليسو تاڼې مشر اياز خان د نومبر پر اتمه نېټه مشال ريډیو ته وویل چې پر څلور کلن ماشوم جنسي تېری د نومبر پر اوومه د شپې مهال په الم ګنج سيمه کې شوی چې وروسته يې کورنۍ له پوليسو سره رپورټ درج کړ.
د ایاز خان په وینا، د جنسي تېري په تور يې ۱۶ کلن هلک نیولی چې ورڅخه يې پلټنې پیل کړې دي.
په پاکستان کې د ماشومانو د حقونو لپاره کارکوونکې غير حکومتي اداره ساحل وايي چې په تېر کال کې په پاکستان کې د جنسي تیري څه د پاسه ۲،۸۰۰ پېښې رپورټ شوي چې پکې شپږ فیصده یې په خیبرپښتونخوا کې وې.
