د لاسرسي ځای

تازه خبر

پر اټومي وسلو د بندیز یوه نړیواله موافقه به د راتلونکې جنورۍپای کې عملي شي


پر اټومي وسلو د بندیز لپاره وخت په وخت مظاهرې کېږي.

ټاکل شوې چې پر اټومي وسلو د بندیز یوه نړیواله موافقه د ۵۰م هېواد تر منظورۍ وروسته د جنورۍ په پای کې عملي شي.


د ملګرو ملتونو د مشر انتونیو ګوتېرش ویاند د اکتوبر پر ۲۴مه په بیان کې ویلي چې د اټومي وسلو د بندیز تړون به د ۲۰۲۱ز د جنورۍ پر ۲۲مه عملي شي.

د اټومي وسلو د ختمولو کیمپېن په بیان کې ویلي چې هونډوراس پرون دا تړون منظور کړ چې معنا یې دا ده چې دا نړیواله موافقه به د درو میاشتو په موده کې نافذه شي.

دې نړیوال کیمپېن د موافقې د عملي کولو لپاره هلې ځلې کړې دي او په ۲۰۱۷ز کال کې یې د سولې نوبېل انعام وګاټه.

د کیمپېن مشرې پیټریس فېن په بیان کې ویلي چې دا ګړۍ د جاپان پر هېروشیما او ناګاساکي ښارونو د اټومي بمونو ورولو ۷۵ کاله وروسته راغلې.

د هغې په خبره، ملګرو ملتونو جوړېدو پر وخت هم ویل شوي ول چې اټومي وسلې به ختموي. د سره صلیب نړیوالې ادارې مشر پیټر ماورر دا تړون د ((بشریت د بریا)) بللې ده.

دا موافقه د اټومي وسلو پر استعمال، جوړولو، تیاري، ازموینې، زخیره کولو او د استعمال پر ګواښ بندیز لګوي.

دا موافقه د ملګرو ملتونو عمومي اسمبلۍ/جرګې د ۲۰۱۷ز کال په جون کې د ۱۲۲ هېوادونو په منظورۍ، ومانه.

خو اټومي وسلې لرونکي هېوادونو لکه امریکا، برتانیې، فرانسې، چین او روسیې دا موافقه نه ده لاسلیک کړې.

ځانګړې پاڼې

له موږ سره اړیکي

XS
SM
MD
LG