د یونان حکومت په پام کې لري چې په سلګونه کډوال له لیسبوس ټاپو بل ځای ته ولېږدوي.
یونان په پام کې لري ۲۳۰۰ نور کسان چې د کډوالو په نامه پېژندل شوي، هم خپل عمده قلمرو ته ولېږدوي.
د لیسبوس په موریا کمپ تېره میاشت اور ولګېد او په زرګونو پناه غوښتونکي بې سرپناه شول.
د یونان دولتي راډیو- ټلویزیون ویلي، د دغه هېواد حکومت دوشنبه تر ۷۰۰ زیات کډوال له لیسبوس ټاپو او په اور له یوه سوځېدلي کمپ څخه خپل عمده قلمرو ته لېږدوي.
