د جنوبي وزیرستان تیارزه سیمه کې په ځمکه کې د ښخ ماین په چاودنه کې دوې ښځې ټپیانې شوې دي.
د سیمې پولیسو مشر شوکت علي مشال رادیو ته وویل چې دا پېښه د سېپټېمبر پر نهمه د تیارزې په میزره کې رامنځ ته شوې ده.
نوموړي زیاته کړه چې په سرکاري روغتون کې یې درملنه روانه ده.
بلخوا د جنوبي وزیرستان مرستیال ډپټي کمشنر فریدالله مشال راډیو ته ویلي، له ځپلو شویو سره به مالي مرسته کوي.
نوموړي زیاته کړې پوځ د ماینونو پاکولو کار پیل کړي او ژر به دا ستونزه هواره شي.
د پښتون ژغورنې غورځنګ عالم زیب مسید وایي چې په سیمه کې د ماین چاودنې روانې دي چې تراوسه یې ګڼ ماشومان او ښځې وژلي او ټپي کړي دي.
نوموړی وايي، خلک څنګه باور وکړي چې د ماینونو د پاکولولو لړۍ سمه روانه ده؟
