د نیو زيلینډ حکومت په ملک کې د کورنا وایرس بیا خپرېدو له کبله عام انتخابات ځنډولي دي.
وزیراعظمې جیسېندا ارډرن د اګست پر ۱۷مه اعلان وکړ چې انتخابات به اوس د روان کال د اکتوبر پر ۱۷مه کېږي.
د اپوزېشن ګوندونو وار له مخه د انتخاباتو د ځنډولو غوښتنه کړې وه.
ټاکل شوې وه چې په سېپټېمبر کې په نیو زیلینډ کې انتخابات وشي.
دا تر هغې وروسته چې د هېواد په تر ټولو لوی ښار اکلینډ کې د کورونا وایرس ۵۰ نوې پېښې ثبت شوې دي.
په نیو زيلینډ کې تر دې وړاندې په ۱۰۲ ورځو کې د کورونا وایرس هېڅ پېښه نه وه ثبت شوې.
