په بیلاروس کې په زرګونه کسانو د اګست پر ۱۵مه سوله یيز احتجاج کړی دی.
دا احتجاج په ټاکنو کې د ولسمشر الکساندر لوکاشینکا د بریالي کېدو داعلان پرضد رابلل شوی وو.
مظاهره چیان د بیلاروس په پلازمېنه منسک او نورو ښارونوکې راوتلي وو.
دا په بیلاروس کې د پرله پسې، سوله یيزو مظاهرو اومه ورځ وه.
په بیلاروس کې له مظاهره چیانو سره د حکومتي ځواکونو سخت چلند نړیواله ټولنه په قهر کړې ده.
د اګست پر ۱۴مه د اروپايي اتحادیې د بهرنیو چارو وزیرانو په بیلاروس کې پر حالاتو د خبرو لپاره بېړنۍ غونډه وکړه.
په غونډه کې د بحث یوه موضوع دا وه چې پر بیلاروس بندیزونه ولګول شي.
په بيلا روس کې د اګست پر نهمه تر لانجمنو انتخاباتو وروسته په مظاهرو کې لږ تر لږه دوه کسان وژل شوي او په زرګونو مظاهرچيان نيول شوي دي.
