د لاسرسي ځای

تازه خبر

سږ کال یوازې سعودي مېشت وګړي حج کولای شي


مکه مکرمه(ارشیف)

سعودي عرب اعلان کړی چې سږ کال به د کورونا وایرس له کبله نړیوال دغه هېواد ته د حج لپاره نه ورځي.

د جون پر ۲۲مه د دغه هېواد د حج او عمرې وزارت پر خپله وېبپاڼه لیکلي، سږ کال به ډېر لږ مسلمانان د حج فرایض تر سره کړي.

حج چې دا ځل به د جولای په پای کې کېږي یوازې د نورو ملکونو هغه کسان چې په سعودي عرب کې له وړاندې ژوند کوي، کولای شي چې حج وکړي.

دغه وزارت دا هم لیکلي دا فېصله یې د کورونا وبا له کبله د خلکو له صحت سره تړلو خطرو د مخنیوي په اړه کړې ده، چې دا شان د حج په دوران کې حاجیان له یو بل نه فاصله وساتي او د دوی ژوند خوندي ساتلو په اړه د اسلامي تعلیماتو په رڼا کې ټول فرایض تر سره شي.

لاکونه مسلمانان په مکې کې حج کوي
تم شئ

هېڅ میډیايي سرچینه اوس نشته

0:00 0:01:23 0:00

حج د اسلام په پنځو فرایضو کې یو دی چې پر وس او طاقت لرونکي هر تن باندې په ژوند کې یو وار فرض دی.

هرکال سعودي عرب ته د څه باندې ۱۸۰ هېوادونو نېږدې ۲۵ لکه کسان حج ته ورځي، چې پکې په مکه مکرمه کې د پنځو ته تر شپږو ورځو پورې د حج ټول عبادتونه او لمونځونه ادا کوي.

سعودي عرب له وړاندې د کورونا وایرس مخنیوي لپاره خپلې هلې څلې کوي، او په دغه هېواد کې کورونا وایرس ۱۶۱،۰۰۰ کسان ناروغان کړي او د ۱،۳۰۰ زیات ترې مړه شوي دي.

دې هېواد له وړاندې د کورونا وبا له وجې د روان کال په مارچ میاشت کې پر عمرو هم بندیز لګولی دی.

د فېسبوک تبصرې

ځانګړې پاڼې

له موږ سره اړیکي

XS
SM
MD
LG