د لاسرسي ځای

تازه خبر

خبرونه

'کراچۍ کې د لوېدلې الوتکې پیلوټ لارښوونو ته پاملرنه نه‌وه کړې'

په کراچۍ ښار کې غورځېدلې الوتکه

د پاکستان هوايي چلند اداره وایي، د هغې الوتکې پیلوټ د کنټرول برجونو لارښوونو ته پاملرنه نه‌ وه کړې چې الوتکه‌ یې په کراچۍ ښار کې نسکوره شوه.

د پاکستان هوایي چلند (پي‌ ای‌اې) ایربس الوتکه د مې په ۲۲مې له لاهوره کراچۍ ته روانه وه چې هوایي ډګر ته نږدې ولوېده. په دې پېښه کې ۹۷ کسان ووژل شول او دوه تنه وژغورل شول.

د پاکستان ملکي هوایي ادارې (پي‌ای‌اې) ته په یوه لیک کې څرګنده کړې ده چې کله الوتکه د کراچۍ په ۱۰۰ کیلومترۍ کې وه پيلوټ ته ویل شوي و چې الوتکه‌ یې ډېره لوړه خېژولې خو هغه ورته ویلي ول چې دی یې په اسانۍ سره لاندې بیولای شي.

د الوتکې مالوماتو خوندیکولو توره پېټۍ (بلېک بوکس) په فرانس کې څېړل کېږي.

د پاکستان هوايي چلند وزیر غلام سرور ویلي دي چې د پېښې ابتدایي راپور به د جون په ۲۲مه پارلمان ته وړاندې کړي.

د نننۍ ورځې ټول خبرونه وګورئ

د امریکا ولسمشر جوبایډن له خپل روسي سیال ولادیمیر پوتین سره غږېدلی

د عکس ښي لور ته د روس ولسمشر ولادیمیر پوتین او چپ لور ته د امریکا ولسمشر جوبایډن

د امریکا ولسمشر جوبایډن تېره اونۍ د چوکۍ سنبالولو نه وروستو په لومړی ځل د خپل روسي سیال ولادیمیرپوتین سره خبرې کړي دي.

نوموړي د جنورۍ پر ۲۶مه د ټېلېفون له لارې په دې خبرو کې د کریملن د بندي شوي ناقد الیکسې نیوالني سره د سلوک او د کرایمیا ټاپووزمې په روس د ورګډولو په ګډون د کریملن په ځینو هلو ځلو خپله اندېښنه ښودلې ده.

خو دواړه مشران د وسلو په قابو کولو سره متفق وو او راروان میاشت د نوې سټارټ د لوظنامې په بیا تازه کولو رضا شول.

وايټ‌هاوس په یو بیان کې ویلي چې بایډن او پوتین د "وسلو قابو کولو" د نوي سټارټ لوظنامې تر پنځه کلونو غځولو لپاره د دواړو هېوادونو په رضامندۍ خبرې وکړي.

کریملن په یو بیان کې ویلي چې دواړو خواو د لوظنامې د غځولو په اړه سفارتي مالومات شریک کړل. د دې لوظنامې موده د فرورۍ پر پنځمه پای ته رسېږي.

په بیان کې دا هم راغلي چې دواړو خواوو د ایران په نيوکلير لوظنامه، د کورونا وبا او اقتصادي موضوعاتو خبرې کړې دي.

امریکا د جرمونو د مخنيوي نړيوال عدالت پر چارواکو بندېزونو ته له سره کتنه کوي

د نیدرلېنډز په هاګ کې د جرمونو د مخنيوي نړيوال عدالت

د امریکايي ولسمشر، جو بایډن انتظامیه به د جرمونو مخنیوي نړیوال عدالت پر چارواکیو هغو بندیزونو ته بیا کتنه کوي چې امریکا ورباندې په افغانستان کې د امریکايي ځواکونو په اړه د پلټنو له کبله عملي کړي وو.

د امریکا بهرنیو چارو وزارت یو ویاند د جنورۍ پر ۲۶مه ازادې اروپا رېډیو ته د یو ايمیل له لارې ویلي سره د دې چې دوی د افغانستان او اسرایل او فلسطین د حالاتو په اړه د نړیوال عدالت له هلو ځلو سره متفق نه دي خو بیا هم کله چې دوی خپل راتلونکي ګامونه ټاکي نو دې بندیزونو ته بیا له سره پوره کتنه کېږي.

د ډونلډ ټرمپ انتظامیې تېرکال د جرمونو مخنیوي نړیوال عدالت "ايي سي سي" يا انټرنېنشل کريمينل کورټ د هغه چارواکیو پرضد اقتصادي او سفري بندیزونه منظور کړي وو چاچې په افغانستان کې د امریکايي ځواکونو او استخباراتي چارواکیو د ممکنه جنګي جرمونو په اړه پلټنې ترسره کړې وي.

امریکا په ټریبونل تور پورې کړی وو چې د پلټنو په اجازې ورکولو سره یې د امریکا له قامي حاکمیته سرغړونه کړې ده.

په دغه اړه د ولسمشر ټرمپ له خوا په لاسلیک شوي فرمان کې د یو څارنوال په ګډون د عدالت عمله په نښه شوې وه.

د جرمونو د مخنيوي نړيوال عدالت په ۲۰۰۲ز کال کې د روم لوظنامې له مخې جوړ شوی چې امریکا یې برخه نه ده.

په تورخم کې د مسافرو لپاره اسانتیاوې برابرېږي

پر تورخم بندر هره ورځ په مالونو بار لسګونه ګاډي افغانستان او پاکستان ته اوړي

د ننګرهار چارواکي وایي چې ډېر ژر په تورخم ښارګوټي ‌کې د مسافرو او باروړونکو لاریو د تګ راتګ په موخه د نویو تاسیساتو پر جوړولو سره يې اسانتیاوې برابرې کړې دي.

د ننګرهار والي ضیاالحق امرخېل د جنوري پر ۲۶مه په خپل دفتر کې د افغانستان سرحدونو او قبایلو چارو معین محمد یعقوب احمدزي سره په ناسته کې وویل چې په تورخم کې له پاکستاني چارواکو سره په دې هم سلا شوي چې د یوې میاشتې په اوږدو کې به د مسافرو پرمخ په اوونۍ کې اووه ورځې د تورخم لاره پرانستې وي.

اوسمهال په تورخم باندې د شنبې، سېشنبې، چارشنبې او پنجشنبې په ورځو کې خلکو ته د تګ راتګ زمینه برابره ده، چې له امله یې خلک په ساعتونو ساعتونو انتظار باسي.

پر مظاهرو د روس حکومت اقداماتو اندېښمن کړی یم: بایډن

امریکایي ولسمشر جو بایډن په روس کې د مخالف سیاستوال الېکسي ناولني او د حکومت مخالفو مظاهرو په اړه پر حکومتي ګامونو اندېښنه ښودلې.

جوبایډن چې د ناولني بندي کېدو او په ټول روس کې د ولسمشر پوتین د زیات شمېر مخالفو مظاهره کوونکیو له نیول کېدو دوه ورځې وروسته د جنورۍ پر ۲۵مه خبرې کولې وویل، دې حالاتو اندېښمن کړی دی.

هغه زیاته کړه لا يې فېصله نه ده کړې چې دغو حالاتو ته څنګه ځواب ووایي خو وايي چې هیله من دی چې روس او امریکا به په راتلونکې کې د دوو اړخیزو ګټو لپاره همکاري زیاته کړي.

ولسمشر بایډن وویل چې امریکا او روس د اټومي وسلو د کنټرول په چارو کې همکارۍ ته اړتیا لري.

ولسمشر بایډن په خپلو خبرو کې په امریکا کې د کمپیوټري نظام په لویه کچه د ماتېدو په اړه هم خبرې وکړې چې پر روسي هېکرانو یې د هېک کولو تور پورې کېږي.

نوموړي وویل، ده اړوندو امنیتي ادارو ته امرکړی چې د روس لخوا طالبانو ته په افغانستان کې پر امریکایي عسکرو د حملو لپاره د پېسو ورکولو په اړه مالومات وکړي.نوموړي وویل، دغه مسله به په هر صورت له روس سره راپورته کوي.

 ننګرهار: د داعش دوه غړي نیول شوي

د ننګرهار امنیتي چارواکي وايي، په یادو عملیاتو کې ولسي وګړو ته زیان نه دی اوښتی.

د ننګرهار چارواکي وایي چې تېره شپه د ملي امنیت ځانګړو ځواکونو د اچین ولسوالۍ پېښې خوړ سیمه کې د ځانګړو عملیاتو په ترڅ کې د ګلاب او مسعود په نومونو دوه تنه د داعش غړو په تور نیولي دي.

د ننګرهار ولایت مطبوعاتي مسوول عطاالله خوږیاڼي د جنوري پر ۲۶ مه رسنیو ته وویل چې له نیول شویو کسانو څخه یو. میل کلاشینکوف، دوه شازورونه او یو کړۍ لاسي بم د امنیتي ځواکونو لاس ته ورغلي دي.

د خوږیاڼي په خبره په یادو عملیاتو کې ملکي وګړو ته زیان نه دی اوښتی.

اروپایي ټولنې پر روس د نویو بنديزونو لګولو جاج اخیستی

د اروپايي اتحاديې د بهرنېو چارو پاليسۍ مشر جوزف بورل ويلي چې هغه به راتلونکې اوونۍ ماسکو ته ځي او پر روسيه به زور راوړي چې مظاهرچيان او ناولني خوشی کړي.

اروپایي ټولنه د روس پرضد د نويو بنديزو تر پريکړې له مخه انتظار کوي چې ايا د دې هېواد حکومت مخالفه سیاسي مشر الېکسي ناولني خوشي کوي او کنه؟

دا په داسې حال کې ده چې د روس خلاف د سخت اقدام کولو غږونه وروسته له هغې زيات شوي چې د تېرې اوونۍ په پای کې د ناولني ملاتړو مظاهرچيانو خلاف پوليسو سخته کاروايي وکړه او زر ګونه مظاهرچيان يې ګرفتار کړل.

په روس کې د اپوزېشن مشر ناوالني په زرګونه پلویان نیول شوي
په روس کې د اپوزېشن مشر ناوالني په زرګونه پلویان نیول شوي

د جرمني بهرنيو چارو وزير هېکو ماس د جنورۍ پر ۲۵مه په اروپايي اتحاديه کې له خپلو سياليانو سره تر غونډې وروسته خبريالانو ته وويل چې دوی پر دې سلا شول چې د عدالتي فيصلې انتظار به کوي او ګوري به چې ايا ناولني به له ۳۰ ورځو وروسته خوشی شي او کنه؟

د اروپايې اتحاديې د بهرنېو چارو پاليسۍ مشر جوزف بورل ويلي چې هغه به راتلونکې اوونۍ ماسکو ته ځي او پر روسيه به زور راوړي چې مظاهرچيان او ناولني خوشې کړي.

نوموړي زياته کړه چې د اروپايي اتحاديې مشران په ۲۵ او ۲۶ مارچ په پلان شوې سرمشريزه کې د روس خلاف په نورو اقدماتو بحث کولای شي.

په عين حال کې ناولني او د هغه ملګري په شا کېږي نه او په دې لټه کې دي چې دې دې مسيلې ته نور شدت هم ورکړي او د نړيوالو پام وروګرځوي.

د ناولني نېږدې ملګري لييا نيد ولکوف د جنورۍ پر ۳۱مه د نویو مظاهرو غږ کړی.

نوموړي پر خپله ټوېټر پاڼه ليکلي:" د روسيه ټول ښارونه. د ناولني د ازادۍ لپاره. د هر يو د ازادۍ لپاره او د انصاف لپاره".

افغان ځواکونه وايي په غزني او بلخ کې یې ۲۴ طالبان وژلي

پخوانی تصویر: افغان ځواکونه په بلخ کې د ګزمې پر مهال

د افغان پوځ د ۲۰۳ تندر قول اردو د رسنيوو د څانګې مشر، ايمل خان مومند د جنورۍ په ۲۵مه مطبوعاتو ته په لېږلي غږيز پېغام کې ويلي چې تېره شپه طالبانو د غزني ولايت د قره‌باغ ولسوالۍ اړوند د «چوک زردالو» سیمه کې د دفاعي او امنیتي ځواکونو په پوستو ډله‌ییز بریدونه وکړل چې په پايله کې یې ۱۳ طالبان وژل شوي او د یوه ډل‌مشر په ګډون‌یې ۹ تنه ټپيان شوي.

د مومند په وینا د افغان ځواکونو د متقابلو بریدونو په پایله کې دغه‌راز یو اندازه وسلې او مهمات او د څو تنو طالبانو جسدونه چې د جګړې په ډګر پاتې و د دفاغي ځواکونو لاسته ورغلي.

وسله‌والو طالبانو تر اوسه په دې اړه څه نه‌دي ویلي.

د یوه بل خبر له مخې د افغان پوځ ۲۰۹ شاهین قول اردو نن په یوه خبرپاڼه کې ویلي چې تېره شپه طالبانو د دې ولایت په شولګره ولسوالۍ کې د افغان امنیتي ځواکونو پر پوستو بریدونه وکړل چې د درېیمې لوا د کمانډو د درېیم کنډک پوځیانو هغه په شا وتمبول او د نښتو په پایله کې ۱۱ طالبان ووژل شول او ۶ نور یې ټپیان شول.

امريکا د کورونا وايرس مخنيوي لپاره سفري بندیزونه بيا بحال کړل

ولسمشر جو بايډن د کورونا وایرس د مخنيوي لپاره جوړه کړې ستراتيژي خبريالانو ته ښيي.

د امريکا ولسمشر جو بايډن به د جنورۍ له ۲۵مې نيټې د کووډ-۱۹مې ناروغۍ په لړ کې له برازيل، ایرلېنډ، برتانيا او ۲۶ اروپايي هېوادونو څخه د غير امريکايانو د سفر بندېزونه په رسمي توګه بېرته بحال کړي.

د بایډن دا اقدام به د ولسمشر ډانلډ ټرمپ هغه امر چې نوموړي د خپل واک په وروستيو ورځو کې لاسليک کړی وو منسوح کړي. په دې امر کې د جنورۍ له ۲۶مې ڼیتې سفري محدوديتونه نرم کړل شوي ول. سفري بنديزونه په امريکا کې د کورونا وايرس د مخنيوي په لړ کې د بایډن د جارحانه مبارزې د پالیسۍ برخه ده.

په دې هېواد کې د جنورۍ تر ۲۴مې پورې په تر ۲۵ ملينه زياتو کسانو کې د کورونا وايرس تصديق شوی وو او څلور لکه ۱۷ زره ورڅخه مړه شوي ول.

پر اروپايي هېوادونو سفري بنديزونه د مارچ مياشتې له نيمايي او پر برازيل له مې مياشتې راهيسې لګېدلي دي. د بنديزونه معنی دا ده چې هغه غيرامريکايان چې په تېرو ۱۴ ورځو کې يې په دې کې یو هم دې هېواد ته تللي وي امريکا ته د سفر کولو اهل نه دي. د حکم له مخې په امريکا کې دايمي اوسېدونکي، د هغو کورنۍ او ځينې نور غير امريکايان کولای شي امريکا ته سفر وکړي.

کورونا وایرس ناروغۍ په پاکستان کې ۴۸ کسان نور وژلي 

د کورونا وایرس ناروغۍ په اړه د پاکستان د صحت څانګې ځانګړې وینا ویب پاڼې لیکلي چې له دې سره تر اوسه له دې ناروغۍ څخه د مړو شمېر  ۱۱۲۹۵ ته رسېدلی دی.  (انځور: ارشیف)

په پاکستان کې په تېرو ۲۴ ساعتونو کې کورونا وایرس ناروغۍ ۴۸ تنه نور وژلي دي.

د کورونا وایرس ناروغۍ په اړه د پاکستان د صحت څانګې ځانګړې وینا ویب پاڼې لیکلي چې له دې سره تر اوسه له دې ناروغۍ څخه د مړو شمېر ۱۱۲۹۵ ته رسېدلی دی.

ویب پاڼه ليکلي چې په تېرو ۲۴ ساعتونو کې ۱۹۸۱ کسان نور په دې ناروغۍ اخته شوی دي.

د جنورۍ تر ۲۴مې په دې وايرس د اخته کسانو شمېر، ۵ لاکه، ۳۲ زره او ۴۱۲ ته رسېدلی دی.

د یادې ویب پاڼې په لیکنه، په پاکستان کې تر اوسه له دې ناروغۍ څخه څه باندې ۴ لاکه او ۸۶ زره کسان جوړ شوي هم دي.

چین د کورونا وایرس نوي شکل مخنیوي لپاره ګامونه اخلي

د چين د ملي روغتیا کمیشن د جنورۍ پر ۲۴مه ویل چې په تېرو ۲۴ ساعتونو کې د کورونا وايرس ۱۹ نور کيسونه مخې ته راغلي دی.

د چین حکومت د دې هیواد په شمال کې د کوويډ-۱۹ ناورغۍ نوي ډول د مخنيوي لپاره ګامونه پورته کوي.

د چين ژنوا خبري اژانس خبر ورکړی چې د هوبي صوبې په نانګونک ښار کې د درملني لپاره ۲۶۰۰ خوني پرانستل شوې دي.

د هوبي لوي سيمې وار له مخې تړل شوي چې د وايرس د لا خپريدو مخه ونيول شي.

د چين د ملي روغتیا کمیشن د جنورۍ پر ۲۴مه ویل چې په تېرو ۲۴ ساعتونو کې د کورونا وايرس ۱۹ نور کيسونه مخې ته راغلي دی.

هوبي ته ځانګړې پاملرنه کېږي ځکه چې دا پلازمینې ته نږدې ده.

په نیوزیلینډ کې له دوو میاشتو وروسته د جنورۍ پر ۲۴مه د کورونا وایرس لومړی ناروغ مخې ته راغلی دی.

۵۶ کلنه میرمن چې په دې وروستیو کې له اروپا ستنه شوې او چارواکي ګومان کوي چې دا د کورونا وايرس نوي ډول دی.

بلخوا په بريتانيا کې د کورونا وايرس نوي ډول ناورغانو شمېر کې اضافه شوې او ترې مرګونه هم شوي دي.

حکومت خلکو ته ویلي چې په کور کې پاتې شي. د کورونا وايرس نور ډولونه په جنوبي افریقا او برازیل کې موندل شوي دي.

په برازیل او ناروې کې د کورونا وايرس نوي ډولونو خپريدو مخنيوي لپاره هلته د محدودیتونو اقدامات عملي کوي.

د کورونا نویو قسمونو د دې وایرس د لا خپرېدو په اړه اندېښنې زیاتې کړې دي

د کورونا وایرس نویو قسمونو د دې وایرس د خپرېدو د لا ډېر خطر په اړه اندېښنې زیاتې کړي دي.

دا په داسې حال کې ده چې په نړۍ کې د واکسین ترلاسه کولو هڅې زیاتې شوي او د دغه وایرسه د مړو شویو شمېر هم په زیاتېدو دی.

روغتیایي ماهرینو په ځانګړي ډول په برتانیا، جنوبي افریقا او برازیل کې د دې وایرس د نویو بڼو په اړه اندېښنې ښودلې دي چې اوس د نړۍ نورو هېوادونو ته هم رسېدلی دی.

ویل کېږي، دغه نوی قسم تر لومړني وایرس څخه د خپرېدو زیاته وړتیا لري
ویل کېږي، دغه نوی قسم تر لومړني وایرس څخه د خپرېدو زیاته وړتیا لري

د کورونا دغه دریو واړو قسمونو په اړه ویل کېږي چې او له دې سره به په روغتونونو او د صحت پر انتظاماتو لا بوج زیات شي چې له وړاندې څخه زیات کار سره مخامخ دي.

په برتانیا کې د دغه نوي قسم له کبله د وایرس یو نه بل ته لګېدل زیات شوي او د مړینې کچه هم په داسې مهال زیاته شوې ده چې د هغه هېواد زیاتره برخو کې ټولبند عملي دی، او خلکو ته په کورونو کې د پاتېکېدو ویل شوي دي.

په روس کې د الېکسي نوالني نيولو ضد راوتلي سلګونه مظاهرچيان نیول شوي

د مظاهرو مقصد په کرملین فشار اچول راوړل دي چې ناوالني د خوشې کېدو امر وکړي.

په روس کې د جنورۍ پر ۲۳مه د یخ موسم او د پولیسو لخوا د نیول کېدو د خطر باوجود په زرګونه مظاهرچیان د الېکسي ناوالني د خوشې کولو لپاره راوتلي دي.

نوالني تېره اوونۍ له جرمني ماسکو ته ستون شوی وو خو له رسېدو سره سم پر هوايي ډګر د چارواکو لخوا هغه ونيول شو.

لومړنۍ احتجاجي لاریون په ساییبېریا کې پېل شو او له دغې وروسته په خبروفسک، ولادي-ویستوک او نورو ښارونو کې په زرګونه خلک لارو کوڅو ته په سخته یخنۍ کې راوتل او د ناوالني د خوشې کولو غوښتنه یې وکړه.

پر دغه مهال د امنیت سخت ګامونه پورته کړل شوي دي.

د راپورنو له مخې دا احتجاجونه د ۲۰۱۷ز کال د مارچ میاشتې د هغو احتجاجونو وروسته تر ټولو لوی دي چې د روس په څه نا څه ۹۹ ښارونو او ښارګوټو کې د حکومت خلاف ترسره شوي ول.

په ماسکو کې د مظاهرو پر مهال د الېکسي نوالني مېرمن يوليا نوالنايا هم نيول شوې ده. د رويټرز خبري اژانس له راپور سره سم يوازې په ماسکو کې ۴۰ زره کسانو په مظاهرو کې ګډون کړی، خو د روسيې کورنيو چارو وزارت بيا دا شمېر ۴۰۰۰ يادوي.

بلخوا د (OVD) انفو په نوم یوه څارونکي ډله چې د پولیسو فعالیتونه څاري خبر ورکوي چې د روسيې په بېلا بېلو ښارونو کې تر ۱۶۰۰ زيات مظاهرچیان نیول شوي او ځینې یې وهل شوي هم دي.

ننسي پلوسي د ټرمپ مواخذې مسوده مشرانو جرګې ته لېږي

د امریکا د استازیو جرګې مشره ننسي پلوسي او پخوانی ولسمشر ټرمپ

د امريکا مشرانو جرګه یا سېڼېټ به د فېبرورۍ پر اتمه د کانګرس پر ودانۍ د یرغل په تور پر پخواني ولسمشر ډونلډ ټرمپ د لګېدلو تورونو له کبله د هغه محاکمه "مواخذې عمل" پیلوي.

په سېنېټ کې د اکثريتي ډیموکراټ ګوند مشر چک شومر د جنورۍ پر ۲۲مه پر دې مسله له رپبلکن ګوند سره تر خبرو اترو وروسته مهالویش اعلان کړ.

په پام کې ده چې د امریکا استازیو جرګې مشره ننسي پلوسي د جنورۍ پر ۲۵مه د ټرمپ د مواخذې مسوده مشرانو جرګې ته ولېږي چې په بله ورځ پرې کار پیل کړي.

په سېنېټ کې د اکثريتي ډیموکراټ ګوند مشر چک شومر د جنورۍ پر ۲۲مه پر دې مسله له رپبلکن ګوند سره د خبرو اترو وروسته مهالویش اعلان کړ.
په سېنېټ کې د اکثريتي ډیموکراټ ګوند مشر چک شومر د جنورۍ پر ۲۲مه پر دې مسله له رپبلکن ګوند سره د خبرو اترو وروسته مهالویش اعلان کړ.

چک شومر سېنېټ ته په وينا کې وويل چې "د امريکا مشرانو جرګه کې به محاکمه ترسره شي او هلته به رایه وکارول شي چې ايا ولسمشر محکوم کړي او کنه."

دا د امريکا په تاريخ کې لومړی ځل دې چې ولسمشر دوه واري موخذاه کېږي. پخواني ولسمشر ټرمپ د جو بايډن لوړي مراسمو کې هم ګډون نه و کړي.

د ټرمپ پلوه لاریون کوونکیو د جنورۍ پر شپږمه د کانګرس پر ودانۍ يرغل کړي وو چې د يو پوليسو په ګډون پنځه کسان وژل شوي ول.

روسي چارواکې دې د الیکسي ناوالني پلویان نه ځوروي: هيومن رايټس واچ

د جنورې پر ۲۳مه په لسګونو ښارونو کې له الېکسيې نوالني سره د ملاتړ په موخه احتجاجي مظاهرې پلان شوي.

بشري حقونو نړيوال سازمان (هيومن رايټس واچ) پر روسي چارواکو غږ کړی چې پر کرېملن د تنقيدکوونکي اپوزيشن مشر الېکسيې نوالني د پلويانو پرضد دې ناقانونه کیمپېن ودروي.

په روس کې د جنورې ۲۳مې تر ممکنه احتجاجي مظاهرو مخکې روسي چارواکو د الېکسيې نوالني پر پلویانو فشار اچول پیل کړي.

۴۴ کلن نوالني د کرېملېن له سختو ناقدینو څخه یو دی او د درغلۍ ضد کیمپېن کوي.

د الېکسيې نوالني لږ تر لږه څلور پلویان د جنورې پر ۲۱مه په داسې حال کې نيول شوي چې چارواکو ټولنيزه ميډیا او خبري رسنيو ته د اپوزیشن لخوا د پلان شویو مظاهرو په اړه د مالوماتو نه خپرولو خبرداری ورکړی.

د جنورې پر ۲۳مه په لسګونو ښارونو کې له الېکسيې نوالني سره د ملاتړ په موخه احتجاجي مظاهرې پلان شوي.

نوالني تيره اوونۍ له جرمني ماسکو ته راستون شوی خو له راتګ سره سم په هوايي ډګر د چارواکو لخوا هغه ونيول شو.

هغه ته د تېر کال د اګست په میاشت کې داسې زهر ورکړل شوي ول چې نېږدې يې وژلی وو چې بیا وروسته د علاج لپاره جرمني ته يوړل شو.

عراق: په دوو ځانمرګو بریدونو کې د مړو شمېر۳۲ ته ورسېد

د عراق د کورنیو چارو وزارت په یو بیان کې ویلي چې لومړي ځانمرګي ځان پر ناروغۍ اچولی وو او چې خلک ورته راټول شوي ده چاودنه کړې ده.

د عراق په پلازمېنه بغداد کې د جنورۍ پر ۲۱مه په شویو دوو ځانمرګو بریدونو کې د مړو شمېر لږ تر لږه ۳۲ تنه شو.

د چارواکو په وینا، دا په تېرو دوو کلونو کې تر ټولو خونړۍ پېښې دي چې شاوخوا ۱۱۰ کسان یې ټپيان کړي هم دي.

چارواکي زیاتوي چې دا ځانمرګي بریدونه د بغداد په تیاران څلورلاره کې په یو سرخلاصي بازار کې شوي دي.

د عراق د کورنیو چارو وزارت په یو بیان کې ویلي چې لومړي ځانمرګي ځان پر ناروغۍ اچولی وو او چې خلک ورته راټول شوي ده چاودنه کړې ده.

بیان زیاتوي چې دویم ځانمرګی هغه مهال شوی چې خلکو د لومړۍ چاودنې د ټپیانو مرسته کوله.

د دې بریدونو ذمه واري اسلامي دولت ډلې (داعش) منلې.

ننګرهار: خوږیاڼیو او شېرزادو کې ۳۴ طالبان وژل شوي

د افغانستان د ننګرهار چارواکي ادعا کوي چې د دې ولایت په دوو ولسوالیو کې د افغان پوځ په عملیاتو کې ۳۴ طالبان وژل شوي دي.

د ننګرهار ولایت د رسنیو دفتر په یوه بیان کې ویلي چې ۳۱ طالبان د هسکې مېنې په تړلي کنډو او دیواني سیمو کې وژل شوي او یو وسله وال طالب ژوندی نیول شوی دي.

دې دفتر په یوه جلا بیان کې ویلي چې د خوږیاڼیو ولسوالۍ په خدرخېلو سیمه کې د افغان ځواکونو په هوايي برید کې د تراب په نوم د یوه قوماندان په ګډون درې وسله وال طالبان وژل شوي دي.

بل پلو د غزني ولایت امنیتي چارواکو هم ویلي چې په یوه هوايي برید کې یې اووه وسله وال طالبان وژلي دي.

د افغان پوځ ځايي ویاند ایمل خان مومند وايي چې دا طالبان د جنورۍ پر ۲۱مه هغه مهال وژل شوي چې د غرنې د مرکز په ناني سیمه کې یې د افغان ځواکونو پر پوستو د برید پلان جوړ کړی وو.

طالبانو د افغان چارواکو د دې ادعاوو په اړه څه نه دي ویلي.

بایډن له روس سره د اټومي وسلو تړون غځوي

سپینې ماڼۍ وايي، ولسمشر جوبایډن له ډېرې مودې راهیسې په دې نظر دی چې دا تړون د ملي امنیت په برخه کې د امریکا په ګټه دی.

د امریکا ولسمشر جو بایډن په دې لټه کې دی چې له روس سره د نوي پیل په نامه د اټومي وسلو محدودلو تړون تر پنځو کلونو وغځوي.

د اټومي وسلو قابو کولو په اړه د دې تړون موده د راتلونکې فیبرورۍ میاشتې په پیل کې ختمېږي.

د سپینې ماڼۍ ویاندې جین ساکي د جنورۍ پر ۲۱مه ویلي چې ولسمشر جو بایډن له ډېرې مودې راهیسې په دې نظر دی چې دا تړون د ملي امنیت په برخه کې د امریکا په ګټه دی، په تېره بیا په داسې وخت کې چې له روس سره د امریکا اړیکې د پخوا غوندې کړکېچنې دي.

دا د اټومي وسلو د مخنیوي په اړه د امریکا او روس ترمنځ وروستی پاته تړون دی.

عراق کې په دوو ځانمرګو بريدونو کې ۲۸ کسان وژل شوي

امنیتي چارواکي وايي، ځانمرګي بريدګر ځان ناروغ اچولی و او مارکېټ ته له ننوتو سره سم چې کله خلک ورباندې ورټول شول نو ځان ته يې چاودنه ورکړه.

د عراق په سرښار بغداد کې په دوو غبرګو ځانمرګو بريدونو کې لږ تر لږه ۲۸ کسان وژل شوي دي.

د عراق د کورنيو چارو وزارت وايي چې د جنورۍ ۲۱مه د ښار تياران څلورلاره کې شويو بريدونو کې لږ تر لږه ۷۳ کسان ژوبل شوي هم دي.

د وزارت وياند يحيا رسول په وينا لومړي ځانمرګي بريدګر ځان ناروغ اچولی وو او د استعمالي توکو خلاص بازار ته له ننوتو سره سم چې کله خلک ورباندې ورټول شول نو ځان ته يې چاودنه ورکړه.

وروسته چې خلک د لومړۍ چاودنې له ژوبلو سره د مرستې لپاره ورټول شول نو دويم ځانمرګي بریدګر هم پر خپلځان تړلي باروت والوځول.

روغتيايي سرچينې ویره لري چې مرګ ژوبله له دې زياتېدای شي.

له دې وړاندې په بغداد کې وروستی ځانمرګی بريد د ۲۰۱۹ز کال په جون کې شوی و چې يو شمېر کسانو ته يې مرګژوبله اړولې وه.

د ننني بريد مسوليت د مګړی چا نه دی منلی، خو له دې وړاندې هلته اسلامي دولت وسله والې ډلې دا ډول بريدونه کړي.

د بلوچستان کوهلو کې چاودنې د اېف سي څلور عسکر وژلي، پينځه ژوبل

بلوچستان کې په يوه بمي چاودنه کې د پاکستان د سرحدي ځواک (اېف سي) لږ تر لږه څلور سرتېري وژل شوي او پينځه نور ژوبل شوي دي.

د سرحدي ځواک يو وياند په وينا پېښه پرون (د جنورۍ پر ۲۰م) په کوهلو ضلع کې رامنځ ته شوه.

د نوموړي په وينا، په ځمکه کې د ښځ کړل شوي ماين چاودېدو له کبله په موټر کې ناست سرتيرو ته مرګ ژوبله واوښته.

وياند زياتوي، په ژوبل سرتيرو کې د درېيو روغتيايي وضع د اندېښنې وړ ده. د دې پېښې مسوليت تر اوسه چا نه دی منلی خو له دې وړاندې د دا ډول پېښو مسوليت بلوڅ بېلتونپاله او مذهبي سختدريځو ډلو منلی دی.

هلمند کې افغان ځواکونو د طالبانو له یوه زندانه ۲۷ کسان ازاد کړل

امنیتي چارواکي وايي، "نهرسراج" ولسوالۍ کې د طالبانو پر یوه زندان عملیات ترسره کړل چې په پایله کې یې د یوه پخواني پوځي په ګډون ۲۷ کسان خوشې شول.

افغان ځواکونو په هلمند کې د طالبانو پر یوه زندان له عملیاتو وروسته ۲۷ کسان خوشې کړي دي.

د افغانستان دفاع وزارت د جنورۍ ۲۱مه په يوه خبرپاڼه کې ويلي چې ځانګړو کمانډو ځواکونو تېره شپه د هلمند ولایت "نهرسراج" ولسوالۍ کې د طالبانو پر یوه زندان عملیات ترسره کړل چې په پایله کې یې د یوه پخواني پوځي په ګډون ۲۷ کسان خوشې شول.

دفاع وزارت زياتوي چې له دغو زندانیانو سره چې نه ‌دي ویل شوي هغه څوک دي، د طالبانو له لوري د اسلامي اصولو او بشري حقونو خلاف بد چلند شوی، سخت شکنجه شوي او ځورول شوي ول.

د خبرپاڼې له مخې د عملیاتو په ترڅ کې د طالبانو د زندان یو ساتونکی وژل شوی او یوه اندازه وسلې او مهمات هم د افغان ځواکونو لاس ته ورغلي دي.

وسله والو طالبانو تر اوسه په دې اړه څه نه ‌دي ویلي.

پاکستان د بالسټیک توغندي کاميابه ازموينه کړې

چارواکي وايي، دغه توغندي د اټومي وسلو وړلو توان لري او تر ۲۷۵۰ کیلومېټره لرې هدف په نښه کولای شي.

د پاکستان پوځ وايي چې د بالسټیک توغندي کاميابه ازموینه یې کړې چې د اټومي وسلو وړلو توان لري او تر ۲۷۵۰ کیلومېټره لرې هدف په نښه کولای شي.

د پوځ مطبوعاتي څانګې د جنورۍ پر ۲۰مه په يوه بيان کې وويل چې د دې ازموینې هدف د شاهین درې له یوې سطحې څخه تر بلې سطحې پورې د بیلیسټیک توغندي "مختلف ډیزاین او تخنیکي پیرامیټرې له سره باوري کول وو."

د جواينټ چيفس اېف سټاف کمیټۍ مشر جنرل ندیم رضا شاهد په دې موقع وويل چې "د پاکستان د ستراتیژیک وړتیا هدف د هېواد حاکمیت پر وړاندې د هر ډول یرغل مخه نیول دي".

د شاهین III لومړۍ ازموینه په ۲۰۱۵ز کال کې شوې وه.

خوږیانیو کې چاودنو درې تنه ژولي، اووه ژوبل

د ننګرهار په خوږیاڼو ولسوالۍ کې په چاودنو کې درې تنه وژل شوي او اووه تنه ژوبل دي.

د ننګرهار ولایت مطبوعاتي مسوول عطاالله خوږیاڼي د جنورۍ پر ۲۰مه ناوخته مشال راډیو ته وویل چې د خوږياڼو ولسوالۍ په ابکو سیمه کې له غرمې وروسته یوه ځای پر ځای شوي ماین چاودنه کړې چې له امله یې یو تن وژل شوی او درې نور ټپیان شوي دي.

نوموړي زیاتوي چې دویمه ماين چاودنه هم د خوږیاڼو ولسوالۍ اړوند ډنډو سیمه کې شوي چې له کبله یې دوه تنه ولسي وګړي وژل شوي او د دوه مېرمنو په ګډون یې څلور تنه ټپیان کړي.

د یادو پېښو ذمه واري چا نه دی منلی خو د ننګرهار چارواکي یې د وسله والو طالبانو کار بولي.

طالبانو په دې اړه څه نه دي ويلي.

چین د ټرمپ ادارې پر ۲۰ چارواکو بندیزونه لګوي

چین وايي د امریکا پخواني ولسمشر ډونلډ ټرمپ د ادارې تر شلو زیاتو چارواکو باندې چې پکې د بهرنیو چارو پخوانی وزیر مایک پامپیو او د کابینې غړي هم شامل دي، بندیزونه لګوي.

چین د بندیزونو لامل د هېواد د خودمختارۍ سرغړونه ښودلې ده.

د چین بهرنیو چارو وزارت د جنورۍ پر ۲۰مه دا اعلان په داسې حال کې وکړ چې جو باېډن د نوي ولسمشر په حیث لوړه وکړه.

د بایډن نوې انتظامیې پتیلې چې د چین پر وړاندې به یې پالیسي سخته پاتې شي ځکه چې دغه هېواد د ټرمپ د څلور کلنې دورې په ترڅ کې له امریکا سره په بېلا بېلو اقتصادي شخړو کې ښکېل وو.

د ټرمپ ادارې په تایوان، تبت، هانګ کانګ، او د سویلي چین سمندر په سیمه کې د فعالیتونو او په سنکیانګ کې د تګلارو په وجه پر چین بندیزونه لګولي ول.

لسبېله: د سورلو بس پېښه کې اته تنه مړه

د بلوچستان لسبېله کې د بس پېښه کې اته تنه مړه شوي، ۲۲ نور ژوبل دي. ۲۰۲۱، ۲۰م جنوري

د بلوچستان صوبې له پنجګور سيمې و کراچۍ ته پر لار د سورلۍ يو بس د پېښې ښکار شوی چې پکې اته تنه مړه شوي او ۲۲ نور ټپيان شوي دي.

د لسبېلې ضلعې د بېلې سب ډیويژن مرستیال کمېشنر کیپټن (ر) عارف احمد په وینا د سورلۍ دغه بس د تېز رفتارۍ له کبله ټکر خوړلی دی.

د دوی په وینا د سېشنبې او چارشنبې په منځنۍ شپه د ال زیب په نوم دغه بس د لسبېلې د نمي په ليويز چيک پوست ورختلی او بيا اوښتی دی، په پېښه کې د لېویز دوو عسکرو په ګډون تنه مړه او ۲۲ ټپي شوي چې پکې ښځې او ماشومان هم شامل دي.

د لیویز ځواک چارواکي او د ژغورنې ټیمونه سیمې ته رسېدلي، مړي او ټپيان یې د لسبيلې روغتون ته وړي دي.

امریکایان دې د بایډن ادارې بريالیتابه ته دعا وکړي: ټرمپ

د امریکا ولسمشر ډانلډ ټرمپ

د امريکا ولسمشر ډانلډ ټرمپ پر امريکايانو ټينګار کړی چې د راتلونکې منتخب ولسمشر جو بايډن ادارې برياليتابه ته دې دعا وکړي.

ټرمپ د جنورۍ پر ۱۹مه(پرون) د سپينې مانۍ لخوا خپاره شوي مخه ښه ويډيويي پيغام کې د خپلې څلور کلنې دورې يادونه هم وکړه چې د ده په وينا بريالۍ وه.

هغه زياته کړه چې دا اوونۍ دوی د يوې نوې ادارې پرانيسته کوي او د امريکا د خوندي او خوشحاله ساتلو لپاره يې برياليتوب ته دعا کوي.

ټرمپ په دې ويډيو کې د خپل ډيموکراټ سيال بايډن نوم وانخيست. نوموړي هڅه کړې (د ۲۰۲۰ز کال) د نومبر درېيمې ولسمشريزو انتخاباتو کې د بايډن په مقابل کې خپله ماتې ونه مني او له شواهدو پرته يې ادعا کړې چې له ده څخه رايې غلا شوې دي.

د امريکا بېلا بېلو عدالتونو دغه ادعاوې په لسګونه ځله رد کړې دي او د دې هېواد په سپريم کورټ کې هم د ولسمشر ټرمپ د قانوني ډلې لخوا ور وړل شوې ادعا دوه ځله ناکامه شوه.

ټرمپ دا هم ويلي چې د دود برخلاف به نن (د جنورۍ پر ۲۰م) د جوبايډن د ولسمشرۍ د لوړې مراسمو کې ګډون نه کوي. د امريکايي چارواکو په وينا د بايډن د لوړې نننيو مراسمو لپاره يې ټول انتظامي او امنيتي تدابير نيول شوي دي.

نور پورته کړئ

ځانګړې پاڼې

له موږ سره اړیکي

XS
SM
MD
LG