دترکيې څارونوالانو ۲۰ مشکوکه کسان د خبريال جمال خاشقجي په وژنه تورن کړي دي.
په تورنو کسانو کې د سعودي وليعهد محمد بن سلمان دوه پخواني مرستيالان هم دي. خاشقجي سعودي وګړی وو چې واشنګټن پوسټ ته يې ليکنې کولې او د رياض سخت نقاد وو.
هغه په استنبول کې په سعودي قونصلګرۍ کې وژل شوی وو.
د استنبول څارنوالی دفتر د مارچ پر ۲۵ مه نېټه په بيان کې ويلي چې د سعودي عرب د استخباراتو پخواني مرستيال مشر احمد العصري او د وليعهد سلمان نږدې ملګری او سلاکار سعود القحتاني تورن شوي چې ارادتا يې دغه وحشتناکه وژنه پارولې وه.
د امريکا استخباراتو ادارې ويلي وو چې فکر کوي ولیعهد سلمان د جمال خاشقجي د وژنې امر کړی وو خو رياض دا ادعا ردوي.
