د لاسرسي ځای

تازه خبر

کابل: د ولسمشر د لوړې مراسم ځنډېدلي


افغان چارواکي د لوړې مراسمو لپاره تیارۍ نیسي
افغان چارواکي د لوړې مراسمو لپاره تیارۍ نیسي

کابل - اشرف غني د مارچ پر نهمه په ارګ کې د دویم ځل لپاره د افغانستان د ولسمشر په توګه لوړه کوي.

د لوړې مراسمو ته ځانګړي ترتیبات نیول شوي چې پکې د بهرنیو هیوادونو سفیران او نور غوښتل شوي مېلمانه هم ګډون کوي.

د افغانستان ملي تلویزون وايي، د تحلیف مراسم د څو ساعتو لپاره ځنډېدلي خو دا چې علت یې څه دی؟ په دې اړه څه نه دي ویل شوي.

په ارګ کې موجود د مشال راډیو خبریال وايي، دوو بیلا بېلو سرچینو ورته ویلي چې د اشرف غني د لوړې مراسم به نن خامخا ترسره کېږي.

خو د ولسمریزو ټاکنو بل کاندید عبدالله عبدالله وايي، په انتخاباتو کې درغلۍ شوي او هغه ګټونکی دی.

نوموړي اعلان کړی وو چې نن به هغه هم د ولسمشر په حیث لوړه کوي خو د هغه د ټاکنیز ټیم ویاند فریدون خوځون نن مشال راډیو ته وویل، د امریکايي چارواکو په غوښتنه توافق همدا شوی چې د دواړو طرفونو د تحلیف مراسم وځنډیږي.

ارګ ماڼۍ د عبدالله عبدالله د ټاکنیز ټيم د دغو څرګندونو په اړه څه نه دي ویلي.

د افغان ولسمشر د لوړې په مراسمو کې د پښتونخوا ملتپاله مشران هم دعوت شوي دي.

د پاکستان حکومت د مارچ پر اتمه علي وزیر او محسن داوړ ته هم د کابل د سفر اجازه ورکړه. هغوی تېره ورځ د اسلام اباد د هوايي ډګر چارواکو کابل ته له سفره ګرځولي وو.

د فېسبوک تبصرې

XS
SM
MD
LG