د لاسرسي ځای

تازه خبر

د امریکا ولسمشر پر ترکي ځواکونو برید وغانده


ارشیف

د امریکا ولسمشر ډونالډ ټرمپ د ترکیې له ولسمشر رجب طیب اردوغان سره په ټلیفوني خبرو کې ترکي ته د امریکا د ملاتړ ژمنه تکرار کړه.

سپینې ماڼۍ په یوه اعلامیه کې د فبرورۍ پر ۲۸مه ویلي چې د اسد رژيم، ایران او روس باید د شام په ادلیب کې حملې ودروي.

دا خبرې وروسته له هغه شوي چې د روس په ملاتړ د شامي ځواکونو په یوه هوايي حمله کې ۳۳ سرتېري ووژل شول.

دغې کړنې ترکې مجبوره کړو چې سخت ځواب ورکړي.

له دې سره د روس او ناټو غړي ترکيې ترمنځ وضعیت نور هم ترینګلی شو.

سپینې ماڼۍ ویلي چې په شام کې د بشري ناورین مخنیوي په هدف به له ترکیې سره مرسته وکړي.

امریکا ویلي، له انقرې سره په شام کې د بشار اسد د رژیم پرضد په بیړنۍ توګه پر مرسته غور کوي.

دې چارواکي ویلي چې امریکا به د شام په ادلیب ولایت کې د شام حکومتي ځواکونو پرضد له ترکیې سره د معلوماتو شریکولو او پوخي مرستو په برخه کې ملاتړ وکړي.

دغه چارواکي چې نوم یې نه دی یاد شوی، ویلي چې په دغو مرستو کې د امریکا د نظامي واحدونو ښکېلتیا نه ده شامله.

د فېسبوک تبصرې

ځانګړې پاڼې

له موږ سره اړیکي

XS
SM
MD
LG