د لاسرسي ځای

تازه خبر

کوټه کې د چاودنې پرضد د پښتونخوا ملي عوامي ګوند په غږ هړتال


د هړتال پرمهال په کوټه کې دکانونه تړلي پراته دي. ۲۰۲۰، ۱۸ فبروري

په کوټه کې د فبرورۍ پر ۱۷مه نېټه د شوې چاودنې چې اووه تنه یې وژلې او څه نا څه ۲۵ تنه یې ژوبل کړي پرضد په دغه ښار کې نن سېشنبه/نهې د پښتونخوا ملي عوامي ګوند په غږ هړتال دی.

مسلم ليګ ن، پيپلز ګوند، جمعيت علمااسلام ف، جماعت اسلامي، نيشنل پارټۍ، قومي وطن پارټۍ او د سوداګرو اتحاديې هم د هړتال ملاتړ اعلان کړی دی.

د کاربندیز پرمهال د کوټې بازارونه تړلي پراته دي او پر سړکونو هم خال خال ګاډي ترسترګو کېږي.

د پښتونخوا ملي عوامي ګوند د صوبايي اسمبلۍ غړي نصر الله زېري له مشال راډيو سره په خبرو کې وویل، د بلوچستان صوبايي حکومت ولس ته په تحفظ ورکولو کې ناکامه دی ځکه یې نن هړتال اعلان کړی او د دغه پېښې غندنه کوي.

نوموړي په ټینګار سره وویل، چې د ترهګرۍ خلاف جوړې کړې کړنلارې (نیشنل اېکشن پلان) له مخې د دهشتګردانو پروړاندې هېڅ اقدام نه کېږي. ترهګر ازاد فعالیت کوي ځکه خو یې هړتال اعلان کړی چې د ترهګرۍ خلاف کوټلی اقدام وشي.

د مرکزي انجمن تاجران بلوچستان د اطلاعاتو سېکرېټري الله داد ترین مشال راډیو ته ویلي چې د تره ګرۍ دغه پرونۍ پېښې (فبروري ۱۷مه) او تر دې وړاندې دغه ډول سلګونو پېښو د بلوچستان ولس ته د سر او مال لوی زیانونه اړولي دي.

پښتون ژغورنه غورځنګ هم د دوشنبې/ګل ورځې د بريد پرضد نن د بلوچستان صوبې په بېلابيلو برخو کې د احتجاجي مظاهرو اعلان کړی دی.

کوټه کې د ننني هړتال تصویر: ۲۰۲۰، ۱۸ فبروري
کوټه کې د ننني هړتال تصویر: ۲۰۲۰، ۱۸ فبروري

په کوټه کې د بشري حقونو فعال شمس مندوخېل وايي، ژوند د هر انسان بنیادي حق دی او د ملک د وګړي ژوند خوندي ساتل د رياست زمه واري ده.

وي او ای ډیوه سره په خبرو کې هغه وويل، يو وار بيا داسې ښکاري چې په دې سیمه کې بيا د ترهګرۍ اور ته لمن وهلی کيږي.

هغه زياته کړه چې حکومت او امنيتي ادارې دې د داسې پېښو د مخنيوي لپاره جدي ګامونه واخلي، نور دې د انسانانو ژوند خوندي کړي.

هغه پوښتنه وکړه چې د کوټې په ښار کې لس ځايه تلاشياني کېږي بيا سوال دا راپورته کېږي چې ترهګر څنګه ښار ته راشي او خپل هدف ته ورسي.

د کوټې ډي ای جي عبدالرزاق چيمه ويلي د دوشنبې ورځې پېښه یو ځانمرګی برید وو.

د کوټې سېول روغتون وياند وسيم بېګ ويلي د چاودنې له ځایه د اوو تنو مړي او تر ۳۰ پورې ژوبل کسان روغتون ته وروړل شوي دي.

هغه ويلي په ژوبلو کې د پينځو تنو روغتيايي حالت مرګونی دی.

کوټه کې 'ځانمرګي برید' اووه تنه وژلي ګڼ ژوبل
تم شئ

هېڅ میډیايي سرچینه اوس نشته

0:00 0:01:21 0:00

د بلوچستان صوبې د کورنيو چارو وزیر ضيا لانګو د پېښې غندنه کړې هغه ويلي په صوبه کې امنيتي ادارې هر وخت چمتو وي او د امنيت په ځای ساتلو پوره هڅې کوي.

د بلوچستان اسمبلی په نننۍ غونډه کې هم د پرونۍ ورځې د ځانمرګي برید ترڅنګ په صوبه کې امنیت په اړه بحث کېږي.

سږ کال په بلوچستان صوبه کې د تره ګرۍ په جلا جلا پېښو کې تر دا مهاله ۲۷ کسان وژل شوي دي.

د فېسبوک تبصرې

انځورونه، ویډیوګانې

هندي وګړي د سرو زرو تمبوزک وهلی
تم شئ

هېڅ میډیايي سرچینه اوس نشته

0:00 0:01:12 0:00
تفصیل...
XS
SM
MD
LG