د پښتو ژبې نامتو سندرغاړې ماه جبین قزلباش د درملنې لپاره د خيبر پښتونخوا حکومت پينځه لکه روپۍ مرسته اعلان کړې.
د کلتور څانګې مشرې شمع نعمت مشال راډيو ته وویل چې سمدستي یې په روغتون کې د مه جبین لور ته يو لک روپۍ سپارلي دي.
مه جبین دا مهال د پېښور په یوه روغتون کې د زړه ناروغۍ تر درملنې لاندې ده.
شمع نعمت وايي، صوبايي حکومت ورته پينځه لکه روپۍ مرسته اعلان کړې او زیاتوي چې د ماه جبین قزلباش په ګډون د نورو فنکارانو مرسته به کوي. د دې په وینا صوبايي حکومت د فن او فنکارانو احترم کوي.
شمع نعمت زیاتوي: (په روغتون کې مې د ماه جبینې له لور هما او زوی شاهد سره ولیدل او ډاډ مې ورته ورکړ چې د خیبر پښتونخوا حکومت به چرې هم تاسو يواځې نه پرېږدي او روغتون عملې ته مو هم امر وکړ چې د ماه جبین قزلباش علاج ته دې خصوصي توجه ورکړي.)
د کلتور محمکي مشره شمع نعمت دا هم وویل چې حکومت به یې د خيبر پښتونخوا فنکارانو او هنرمندانو سره مرستې جاري ساتي او د هغوی د خیرښېګړې لپاره به پروژې هم پیلوي.
د فېسبوک تبصرې