د لاسرسي ځای

تازه خبر

روس د امریکا او طالبانو ترمنځ خبرو د بیا پیل غوښتنه کړې


د مسکو غونډه د ۲۰۱۸ز کال د نومبر نهمه.

روس، چین او پاکستان په افغانستان کې د جنګ ختمولو لپاره د امریکا او طالبانو ترمنځ خبرو د بیا پیل غوښتنه کړې ده.

د اکتوبر پر ۲۵مه په ماسکو کې د افغانستان لپاره د امریکا ځانګړي استازي ځلمي خلیلزاد او روسیې، پاکستان او چین د استازیو ترمنځ غونډه وشوه.

په غونډه کې د سیاسي او سفارتي لارې په افغانستان کې د قراري پر ځای کولو لپاره شریکو هڅو ته بیا کتنه وشوه.

له غونډې وروسته په یوه اعلامیه کې وویل شو چې روسیې، چین او پاکستان د بین الافغاني خبرو وړاندې یوې لوظنامې ته د رسیدو لپاره د امریکا او طالبانو ترمنځ ژر تر ژره د خبرو بیا پیل غوښتنه کړې ده.

بلخوا د طالبانو د قطر دفتر یو چارواکي د اکتوبر پر۲۶مه مشال راډیو ته ویلي چې د اکتوبر پر ۲۸مه په بیجینګ کې کیدونکي بین الافغاني مذاکرات ځنډیدلي دي.

د راپورونو ترمخه طالبانو له کابله راتلونکي پلاوي په ځینو غړیو اعتراضونه کړي وو. افغان حکومت لا په دې اړه څه نه دي ویلي.

تبصرې وګورئ

ځانګړې پاڼې

له موږ سره اړیکي

XS
SM
MD
LG