د عارفې عمرلور قلم تل د خپل وطن کیسې کوي
د سروې خپرونې نننۍ مېلمنه مو لیکواله، شاعره او تکړه ټولنیزه فعاله عارفه عمرلور بشیر ده. نوموړې له کابل پوهنتونه انجنیرینګ کړی دی خو وايي زیاته پاملرنه یې ادب ته کړې ده. عارفې څلور ناوله لیکلي چې پکې د افغانستان جګړه، د ښځو ستونزې او په ټولنه کې د بدلونونو تر څنګ سیاسي او ټولنیزې مسالې بیان شوي دي. دې له بي بي سي پښتو سره هم کار کړی دی. عارفه د لومړیتوب سایټ بنسټښوده ده. د دغه پاڼې مقصد په پښتو کې علمي، ښوونیز او مسلکي لیکنې خپرول دي. دا اوس په بیلجیم هېواد کې اوسېږي. د پروګرام کوربنه ملیحه امیرزاده ده.
