منظور پښتین بې له پلټنو مقدمې دروغجنې وبللې
د پښتون ژغورنې غورځنګ مشر وايي، د شمالي وزیرستان ډپټي کمېشنر د خړ کمر پېښې په اړه رپوټ د پوځ تر فشار لاندې لیکلی دی. منظور پښتین بېګا له مشال راډیو سره په ځانګړې مرکه کې وویل، دوي دا رپوټ ځکه نه مني چې یواړخیز دی او د عیني شاهدانو بیانونه پکې نه دي اخیستل شوي. پي ټي اېم ادعا کوي چې پاکستانیو پوځیانو د دوی پر یوه لاریون په ډزو کې ۱۴ کسان ووژل او تر ۴۰ ډېر یې ژوبل کړل خو پوځ وايي چې لومړی د دوی پر یوه پوسته برید وشو.