د لاسرسي ځای

تازه خبر

نړیوال دې د ایران لاسوهنه ودروي: پاچا سلمان


د سعودي عرب پاچا سلمان بن عبدالعزیز.عکس له ارشیفه
د سعودي عرب پاچا سلمان بن عبدالعزیز.عکس له ارشیفه

سعودي پاچا سلمان په مکه ښار کې د عربي هېوادونو بېړنۍ سرمشریزې پرانیستغونډې ته په وینا کې پر نړیوالې ټولنې غږ کړی چې د نورو هېوادونو په چارو کې د ایراني رژیم د مداخلې مخنیوي لپاره ټولې لارې چارې وکاروي.

نوموړي د مې پر۳۰مه پر تهران د نړیوالو او سیمه ییزو ترهګرو ډلو د ساتلو او د نړیوالو اوبو ټرانسپورټي لارو ګواښلو تورونه پورې کړل.

د خلیج همکارۍ سازمان سرمشریزه د مې پر۳۰ مه پیل شوه خو نن تر سهار وختي روانه وه.

دا غونډه پر داسې مهال کېږي چې په وروستیو کې د ایران او امریکا او عربي ملګرو ترمنځ اړیکې خورا ترینګلي شوي دي.

تهران پر ځان لګېدلي تورونه تل رد کړي.

هلته عراقي ولسمشر برهم صالح په سیمه کې د ترینګلتیا کمولو په موخه د واشنګټن او تهران ترمنځ د درېیمګړي رول لوبولو وړاندیز کړی.

په عین وخت کې ریاض د مې پر۳۱مه د اسلامي هېوادونو همکارۍ سازمان (او ای سي) سرمشریزې کوربه هم دی چې ورته د پاکستان وزیر اعظم عمران خان او افغان ولسمشر اشرف غني په ګډون ګڼ مشران ورغلي دي

د مشال ځانګړې پاڼې

XS
SM
MD
LG