جمهوري غږونه د مشال راډیو خپرونه ده چې پکې له هغو سیاستوالانو، خبریالانو، پوهانو او فعالانو سره مرکې کېږي چې په پاکستان کې یې د ولسواکۍ او د حقونو لپاره د مبارزې پر مهال زندانونه تېر کړي، مشکلات یې ګاللي او ځورېدلي دي. ددې خپرونې بله برخه له کوټې سره تعلق لرونکي د عوامي نېشنل پارټۍ د يو مشر نواب ارباب ظاهر خان کاسي په اړه ده. نوموړی نه يوازې د پوځي امريت پر ضد څو ځله زندان ته اچول شوی بلکې په ۲۰۱۳ م کال کې وسله والو طالبانو هغه له کوټې و تښتولی او ميرامشاه ته يې ورسولی. هغه شاوخوا ۱۱ مياشتې د طالبانو په بند کې او پر دې مهال په ذهني او بدني توګه ډېر و ځورول شو. ددې پروګرام جوړونکی عبدالحی کاکړ دی. خپرونه د غږ په ځای کې اورېدای شئ.