جمهوري غږونه د مشال راډیو خپرونه ده چې پکې له هغو سیاستوالانو، خبریالانو، پوهانو او فعالانو سره مرکې کېږي چې په پاکستان کې یې د ولسواکۍ او د حقونو لپاره د مبارزې پر مهال زندانونه تېر کړي، مشکلات یې ګاللي او ځورېدلي دي. ددې پروګرام بله خپرونه د سياسي مبارز محمد نظيف چې د نظيف لالا په نوم شهرت لري، په اړه ده. نوموړي د جنرال ضياوالحق د مارشلا ضد مبارزې پر مهال څو واره زندان ته اچول شوی دی. هغه د پېښور د قلعه بالا حصار په هغه کوټه کې ساتل شوی وو چې پکې يو وخت د بنګله دېش پخوانۍ وزيراعظم شيخ مجيب الرحمن قيد وو. نطيف لالا به د عقوبت خانې پر خښتو امريت مرده باد او جمهوريت زنده باد نعرې ليکلې. خپرونه د غږ په ځای کې اورېدای شئ.