پر خرلاڅو ټرمینل افغانستان ته تلونکي ګاډي تر سختې تلاشۍ تېرېږي: سوداګر
د کورمې په خرلاڅو کې تجارانو ويلي چې په دغه سيمه کې افغانستان ته د اوښتونکو سوداګريزو ګاډو لپاره جوړ شوي ټرمينل کې د سختې تلاشۍ او ورو کار له وجې یې تجارت خراب شوی دی. دلته نن يوه سوداګر دين خالق مشال راډيو ته وويل چې حکومت ترې د کسټم په ترڅ کې ډېرې پیسې اخلي او په سختۍ سره د دوی ګاډي افغانستان ته ورپرېږدي چې له وجې يې سوداګري کمه شوې ده. د برې کرمې تحصيلدار ساز محمد نن مشال راډيو ته وويل په خرلاڅو کې ټول واک د پوځ په لاس کې دی او دوی کوښښ کوي چې له پوځ سره د خبرو په کولو دا ستونزه حل کړي.