د لاسرسي ځای

تازه خبر

د شمالي کوریا مشر چین ته تللی دی


د شمالي کوریا مشر کیم جونګ ان له خپلې مېرمنې سره

د څارونکو په باور د کيم جونګ ان د دې سفر موخه له امریکايي ولسمشر ډونلډ ټرمپ سره د احتمالي سرمشریزې وړاندې د بیجينګ همغږي ترلاسه کول دي.

د شمالي کوریا خبري اژانس لیکي، کیم جونګ ان له خپلې مېرمنې او لوړ پوړو چارواکو سره یو ځای د جنورۍ پر اوومه د بیجينګ په سفر روان شوی دی.

اژانس وايي، دا سفر د چین د ولسمشر شي جین پینګ په بلنه ترسره کېږي.

د چین رسمي خبري اژانس هم د دې خبر پخلی کړی دی.

چین ته د شمالي کوریا د مشر سفر وروسته له هغې ترسره کېږي چې راپورونه وايي، د امریکا او شمالي کوریا چارواکو په ویتنام کې سره کتلي او د کیم جونګ ان او ډونلډ ټرمپ ترمنځ د دويمې سرمشریزې د ځای په اړه یې خبرې کړي دي.

دواړو مشرانو د تېر کال [۲۰۱۸م] په جون میاشت کې په سینګاپور کې سره وکتل. دا ملاقات له دې پلوه تاریخي و چې د دواړو هېوادونو د مشرانو ترمنځ دا لومړۍ لیدنه وه.

له هغې وروسته، پر دې خبره معمولي پرمختګ شوی چې څنګه د شمالي کوریا سره یوه هوکړه وشي چې ترمخې یې دوی خپلې وړې خو مخ پر ودې اټومي وسلې له منځه یوسي.

امريکا له شمالي کوريا غواړي چې د اقتصادي بندیزونو تر لرې کولو وړاندې دې خپلې وسلې له منځه یوسي، خو په مقابل کې هغوی له واشنګټنه غوښتنه کوي چې دغه بندیزونه دې سمدستي لرې شي.

ځانګړې پاڼې

له موږ سره اړیکي

XS
SM
MD
LG