د امریکا ولسمشر ډونالډ ټرمپ انتظامیه د سږ کال لپاره په دغه هېواد کې د کډوالو منلو شمېر تر ۳۰ زرو راکمولو وړاندیر کړی دی.
دا اعلان د سېپټمبر پر ۱۷مه د بهرنیو چارو وزیر مایک پامپیو د دې باوجو وکړ چې د بشري حقونو ډلو له وړاندې تر ۲۰۱۸ کال د امریکا کډوالو شمېره چې ۴۵ زره وه کمه ګرځولې ده.
د ولسمشر ټرمپ انتظامیې په بیا بیا دغه هېواد ته د کډوالو د ورتګ خلاف خبرې کړي دي چې له دغې سره امریکا ته د کډالو په ورتګ کې کمی راغلی دی.
دا نوې شمېره به د سږ کال د اکتوبر میاشتې د لومړی نېتې عملي شي.
د بهرنیو چارو وزیر مایک پامپیو په دغه بیان کې دا هم ویلي چې د دوی د انتظامیې د کډوالو دا پالیسي د امریکا قامي ګټو او په دې خاطر شوې ده چې په نړۍ کې په دې اړه د ضرورت مندو خلکو مرسته وکړای شي.
د دې په مقابل کې د پخواني ولسمشر بارک اوباما د حکومت په اخري کال کې امریکا په دغه هېواد کې ۸۵ زره کډوالو ته اجازت ورکړی وو.
