د خېبر پښتونخوا د صحت محکمه وايي چې ډينګي وايرس خېبر ضلع تر ټولو زیاته متاثره کړې ده.
د يادې محکمې مشرې شاهين اپريدۍ د جمعې په ماښام مشال راډیو ته وويل چې تر دا مهاله ډينګې وايرس په خېبر ضلع کې ۱۴۰ تنه اغيزمن کړي دي.
پروسږ کال [۲۰۱۷م] کې ډينګې ناروغۍ د خېبر بښتونخوا په زرګونو کسان متاثره کړي ول چې پکې په لسګونو مړه شوي هم ول.
ډاکټران وايي چې په کورونو او لارو کوڅو کې ولاړې اوبه د دې ناروغۍ سبب جوړېدای شي.
