د اګست د ۲۰مې پر سهار، په اسلام اباد کې د ولسمشر په ماڼۍ کې د تحریک انصاف په مشرۍ د پاکستان د نوي اېتلافي حکومت ۱۶ وزیرانو سوګند وکړ.
په دې مراسمو کې د هېواد وزیراعظم عمران خان هم موجود وو چې د اګست پر ۱۸مه یې د دندې لوړه کړې وه.
په نوې کابینه کې، د بهرنیو چارو دنده شاه محمود قریشي، د دفاعي چارو څوکۍ د خیبر پښتونخوا پخواني اعلا وزیر پروېز خټک او د مالي چارو وزارت اسد عمر ته سپارل شوي خو د کورنیو چارو وزیر پکې نشته.
د هېواد وزیراعظم عمران خان د کورنیو چارو وزارت دنده له ځانه سره ساتلې.
