د پاکستان د انتخاباتو کمېشن وايي، د قومي اسمبلۍ پر خالي شوو ۱۱ چوکیو به بیا ټاکنې په اکتوبر میاشت کې ترسره شي.
دا خبره د انتخاباتو کمېشن ویاند سهېل احمد د ګست پر ۱۴مه مشال راډیو ته وکړه.
ده وویل، دا هغه چوکۍ دي چې تر یوه زیاتې چوکۍ ګټونکو سیاستوالو خالي کړې دي او یا پر دې چوکي ولاړ کسان د عدالت له خوا نا اهله ګرځول شوي دي.
په پاکستان کې د ۲۰۱۸م کال د جولای پر ۲۵مه عام انتخابات ترسره شو چې تحریک انصاف پکې زیاتې سیټونه ترلاسه کړل.
د اپوزېشن ګوندونه وايي په انتخاباتو کې پراخې درغلۍ وشوې خو د انتخاباتو کمېشن دا تور ردوي.
