د لاسرسي ځای

تازه خبر

وېلز: د افغان سولې لپاره دې پاکستان پر طالبانو خپل نفوذ وکاروي


د امریکا بهرنیو چارو مرستیال وزیره الېس وېلز
د امریکا بهرنیو چارو مرستیال وزیره الېس وېلز

د امریکا بهرنیو چارو مرستیال وزیره بېګا اسلام اباد ته رسیدلې ده. تمه ده چې هغه به نن دوشنبه له پاکستانیو چارواکیو سره وګوري.

الېس وېلز وایي، د وسله والو طالبانو لخوا د افغان حکومت د سولې وړاندیز ته مثبت ځواب نه ویل د منلو وړ نه دی او پکار ده چې پاکستان په دې لړ کې خپل اثر او رسوخ وکاروي.

دا خبرې د جنوبي او منځنۍ ایشیا لپاره د امریکا مرستیالې وزیرې ایلس وېلز په یکشنبه کابل ته په خپل یوه ناڅاپي سفر کې کړې دي. هغې ویلي د اختر په شپو ورځو کې د ډزبندۍ بریالیتوب وښوله چې د افغانستان د شخړې حل په سیاسي خبرو شونی دی.

په اختر کې اوربند افغان سربازان او طالبان غاړه غړۍ کړي ول
په اختر کې اوربند افغان سربازان او طالبان غاړه غړۍ کړي ول

الېس وېلز ویلي هېواد یې د افغانستان په مشرۍ د سولې بهیر ملاتړ کوي چې او د افغان جګړې په سوله‎ییزې پای ته رسېدو ټینګار کړی دی.

هغې په یکشنبه له افغان لوړپوړو امنیتي او ملکي چارواکو سره په لیدنه کې دا مسایل یاد کړي دي.

اړوند راپورونه

ارګ: له طالبانو سره په خبرو کې هېڅ مخکې شرط نه‌ لرو

پاکستان د امریکايۍ ډپلوماټې سفر وځنډاوه

په کابل کې د امریکا سفارت د وېلز د لیدنو په اړه یو بیان خپور کړی او ویلي یې دي چې هغې د افغانستان ملي امنیت له سلاکار حنیف اتمر، د بهرنیو چارو وزیر صلاح‌ الدین رباني او د سولې شورا له رئیس کریم خلیلي سره لیدلي دي.

اخوا د افغانستان ملي امنیت شورا په یوه اعلامیه کې ویلي دي چې د ملي امنیت سلاکار حنیف اتمر د جنوبي اسیا په چارو کې د امریکا بهرنیو چارو له مرستیال وزیرې الېس ولز سره په لیدنه کې په سیمه‎ییزو همکاریو او د افغان حکومت د سولې په پروګرام خبرې وکړې.

دواړو لورو په بروکسل کې د ناټو د غونډې د چمتووالي په اړه خبرې کړې دي.

XS
SM
MD
LG