د امریکا ولسمشر ډونلډ ټرمپ وايي، د شمالي کوریا مشر کیم جونګ اون سره د سرمشریزې بحالولو لپاره امریکا ګټورې خبرې کوي.
ولسمشر ټرمپ د مئ پر ۲۵مه په خپله ټویټر پاڼه لیکلي ، که دا سرمشریزه کیږي نو د وړاندې څخه ټاکل شوې نیټې مطابق یانې د جون پر ۱۲مه به په سینګاپور کې کیږي.
د جنوبي کوریا د ولسمشر ویاند بیا د دې خبرو په ځواب کې ویلي، باور لري چې د امریکا او شمالي کوریا ترمنځ د مزاکراتو هیلي اوس هم ژوندی دي.
ولسمشر ټرمپ له هغې وروسته د سرمشریزې کولو لپاره هڅې پیل کړي چې نوموړي یې د مئ پر ۲۴مه د منسوخولو پرېکړه وکړه او دا حالات یې د شمالي کوریا ښکاره دښمني وباله.
له دې وروسته د شمالي کوریا د پخلاینې یو ردعمل مخې ته راغې او وې ویل چې اوس هم خبرو ته تیار دي
