دا له هغه وروسته ده چې د امریکا ولسمشر ډونالډ ټرمپ د شمالي کوریا له واکمن کیم جونګ ان سره د جون د دولسمې نیټې ملاقات ناڅاپي منسوخ کړی دی.
ولسمشر ټرمپ پرون د شمالي کوریا واکمن ته په لیږلي یو لیک کې وویل پیانګ یانګ د امریکا پر ضد د ډیر قهر او ښکاره دښمنۍ رویه لري نو په داسې حال کې به خبرې اترې مناسبې نه وي.
د شمالي کوریا سرکاري اژانس خبر ورکړی چې نن د شمالي کوریا د بهرنیو چارو مرستیال وزیر کیم کیې ګوان ویلي پیانګ یانګ هر وخت او په هره لاره له واشنګټن سره معاملو هوارولو ته اماده دی.
