د لاسرسي ځای

تازه خبر

د امریکا د ټیکساس ایالت په یو سکول کې ډزو لس تنه وژلي


د هغه سکول عکس چې برید پکې شوی وو

د امریکا چارواکي وايي ، په ټېکساس ایالت کې د یو تن لخوا په سکول کې په ناتاره ډزو کې د يوې پاکستانۍ زده کونکې سبيکه شيخ په ګډون لس کسان وژل شوي.

د دې ايالت ګورنر ګريګ ايبټ ويلي مشکوکه برید کونکی چې دا مهال د پولیسو په ولقه کې دی، له نوموړي سره چاوديدونکي الات هم وو.

نوموړي ويلي چې بريد کونکي د ځان وژلو اراده درلوده خو بيا يې پوليسو ته وويل چې د خپل ژوند د ختمولو حوصله نلري او ځان يې وروسپارو.

په واشنګټن کې د پاکستان سفارت خانې پخلی کړی دی چې په وژل شوو کې پاکستانۍ زده کونکې سبیکه شېخ هم شامله ده.

د چارواکو په خبره په پېښه کې لس کسان ژوبل شوي هم دي چې پکې د يو تن روغتيايي حالت د اندېښنې وړ ښودل شوی دی.

د سانټافی ولسوالۍ د سکولونو ادارې یو بیان کې ویلي دغه پېښه هغه وخت رامنځ ته شوې کله چې په سکول کې په لوی شمیره زده کونکي موجود وو.

په سکول کې د ډزو تر اوریدو وروسته پولیس، امنیتي چارواکي او د بیړني حالت ادارې کارکوونکي د پېښې ځاې ته رسیدلي وو.

د اېسوسي اېټډ پرېس خبري اژانس له یو رپوټ سره سم ، یو زده کونکي د هیوسټن ځايي ټي وي ته ویلي چې برید کونکی د دوي د لومړي مضمون پر وخت کلاس ته ورننوتی وو او ناتاره ډزې یې پیل کړې وې.

امریکايي چارواکو تر اوسه دا نه دي ویلي چې د برید کوونکي هدف څه وو.

بلخوا د امریکا ولسمشر ډونلډ ټرمپ له سپینې ماڼۍ په وینا کې پرون وویل چې د پېښې له امله سخت خپه دی.

ولسمشر ټرمپ ویلي، “زما اداره هوډ لري چې زموږ د زده کونکو او ښوونځيو د امنیت لپاره هره ممکنه هڅه وکړي او وسلې د هغو کسانو له لاسه لرې وساتي چې ځان او نورو ته خطر پېښوي.”

په امريکا کې د روان کال په فبرورۍ میاشت کې همپر یوه ښوونځي په برید کې لږ تر لږه ۱۷ زده کوونکي او ښوونکي وژل شوي وو.

ځانګړې پاڼې

د مشال ځانګړې پاڼې

له موږ سره اړیکي

بښنه غواړو خو پر دې کار روان دی نو ځکه په لنډمهاله ډول کارېدای نشي. په یو څو منټونو یا دقیقو کې بیا هڅه وکړئ.

XS
SM
MD
LG