پولټيکل اېجنټ: له وزیرستانیو پرلتوالو سره خبرو نتیجه نه ده ورکړې
په شمالي وزيرستان کې په دا ورستیو کې د پرله پسې هدفي وژنو پرضد په میرعلي ښارګوټي کې نن پر پنځمه ورځ هم روان دی. پرلتوال غوښتنه کوي چې حکومت دې په وژنو کې ککړ کسان ونیسي او د هدفي بريدونو د لړۍ مخنيوی دې وکړي. خو د څو ورځو تر تېرېدو وروسته اوس په لومړي ځل د دولت دريځ مخې ته راغلی دی. د شمالي وزيرستان پولټيکل اېجنټ اياز خان د چارشنبې ماښام له مشال راډیو سره په ځانګړې مرکه کې وويل چې له پرلتوالو سره يې څو ځله مذاکرات کړي خو لا يې هم نتيجه نه ده ورکړې.