د الجزاير دفاع وزارت وايي چې په دې هيواد کې لږ تر لږه ۲۵۷ کسان د چارشنبې پر ورځ د يوې پوځي الوتکې د پرېوتو په پيښه کې وژل شوي دي.
وزارت په يو بيان کې وايي چې په وژل شويو کې ۲۴۷ مساپر او ۱۰ د جهاز د عملې غړي دي.
دا الوتکه چې د دغه شمالي افريقايي هيواد بوفاريک ايرپورټ سره نږدې پريوتې ده، پکې ناست زياتره کسان پوځيان او د دوی د کورنۍ غړي دي.
د جهاز پرېوتو علت مالوم نه دی.
پخواني مالومات
د الجزايز ۲۴ په نامه ټيلي ويژن ويلي دي چې د پوځي ټرانسپورټ دغه الوتکه له پورته کېدو څو شېبې وروسته غورځېدلې او شا وخوا ۱۰۵ کسان وژل شوي دي.
د دې هيواد سرکاري خبري اژانس ويلي دي چې د روسي ساخت دغه اي ايل ۷۶الوتکه د الجزايز جنوب غربي سيمې بېچارته روانه وه.
د جهاز پريوتو علت نه دی مالوم.
