د لاسرسي ځای

تازه خبر

په امریکا کې زده کوونکو د وسلو پرضد احتجاج کړی دی


په امریکا کې په لسګونو زره زده کوونکي د احتجاج په توګه له سکولونو راوتلي او د کانګرس د غړیو نه يې د اسلحو پرضد د سختۍ قانون سازي غوښتنه کړې ده.

د چارشبنې پر سهار زده کونکیو خپل کلاسونه پریښودل، د اسلحو د قامي اتحادیې پرضد يې شعارونه ورکړل او د اسلحو پرضد د کمزورو قوانینو پرضد يې احتجاج وکړ.

زده کوونکي شاوخوا تر ولسو مینټو له خپلو کلاسونو بهر پاتې شول او هره یو مینیټ يې د هغه ۱۴ طالب علمانو او دریو لویانو په نوم کړ چې د فرورۍ په ۱۴مه نېټه د فلوریډا په یو هايي سکول کې په ډزو کې وژل شوي وو.

د اسلحو قامي اتحادیې (این آر اې) د زده کوونکیو د غوښتنو په ردعمل کې په خپله ټویټر پاڼه د یو تور ټوپک تصویر خپور کړو چې د امریکا بیرغ ورباندې جوړ دی.

تصویر ته لاندې لیکل شوي"مننه زه به خپلې وسلې پخپله قابو کووم".

د اسلحو پرضد د سختو قوانیینو په حق کې د روانې میاشتې په ۲۴مه نېټه هم په واشنګټن او نورو یو شمیر ښارونو کې لاریونونه په پام کې نیول شوي دي.

ځانګړې پاڼې

له موږ سره اړیکي

XS
SM
MD
LG