ټاکل شوې چې له دوشنبې ورځې څخه به له باجوړه علاوه په ټولو قبایلي سیمو کې د پولیو واکسین کیمپېن پیل شي.
د قبایلي سیمو د بېړنیو عملیاتو مرکز د یکشنبې به ورځ په یوه بیان کې ویلي، په درې ورځني کیمپېن کې به څه د پاسه ۱۰ لاکه ماشومانو ته د ګوزڼ مخنیوي څاڅکي ورکول کېږي.
بیان وايي، په باجوړ کې به کیمپېن د روانې میاشت پر ۱۹مه پیل شي. بیان زیاتوي، د کیمپېن لپاره یې ګڼې روغتیايي ډلې ټاکلې دي او د هغوی د امنیت اقدامات یې کړي دي.
د پاکستان حکومتي چارواکي وايي، سږکال به هېواد له پولیو ناروغۍ څخه پاک کړي.
