په ترکيه کې ۲۷۵۶ کسان له ترهګرو ډلو سره د تړاو په تور له دندو لرې کړل شوي دي.
د دې کسانو د ګوښه کولو حکم د ډېسېمبر پر ۲۴ مه وشو.
په دې کې په سلګونو عسکر او امنيتي کارکوونکي، ۱۵۰ اکاډميکان او د پوهنتونونو کارکوونکي شامل دي.
چارواکي وايي چې دا ګام يې د تېر کال د ناکامې کودتا وروسته اخيستی دی.
ترکيه د تېرکال جولايي مياشتې د کودتا تور په امريکا کې مېشت فتح الله ګولن باندې لګوي.
تر اوسه پورې په دې تړاو يو لاک ۱۰ زره حکومتي کارکوونکي له کار لرې شوي يا معطله کړل شوي دي.
حکومت له فتح الله ګولن سره د تړاو په شک تر ۵۰ زره زيات کسان زندان ته اچولي دي.
خو ګولن انکار کوي چې په کودتا کې لاس نه لري.
د کودتا د هڅې پر مهال ۲۴۷ کسان وژل شوي ول.
