د لاسرسي ځای

تازه خبر

بنو - په شمالي وزيرستان کې د ماين چاودنې د پاکستان درې امنيتي سرتېري وژلي دي.

انتظامي چارواکي وايي، ځواکونو د يکشنبې (اتوار) پر سهار په غلام خان تحصيل کې ګزمه کوله چې له سيدګۍ منډیۍ سره نېږدې يې پر ګاډي د سړک غاړې ښخ بم وچاودېد.

د دوی په وينا، په چاودنه کې درې عسکر ووژل شول او ګاډي ته يې هم ((سخت زيان)) ورسېد.

تر پېښې وروسته امنيتي ځواکونو، بازار او د تګ راتګ لارې تړلې او د لټون عمليات يې پیل کړي دي.

تحریک طالبان پاکستان حکیم الله مسود ډلې د حملې ذمه واري منلې.

د ډېسېمبر پر ۱۱مه نېټه هم د شمالي وزيرستان په همزوڼي سيمه کې د امنيتي ځواکونو پر ګاډي په شويو ډزو کې دوه عسکر وژل شوي ول.

تر هغه بريد وروسته ځواکونو د لټون عمليات کړي ول چې وروسته يې پرضد ځايي خلکو احتجاج وکړ.

د همزوڼي د بريد ذمه واري تحريک طالبان پاکستان منلې وه.

ستاسې نظر

تبصرې ښکاره کړئ

XS
SM
MD
LG