رویټرز خبري اژانس په دې موضوع د حال لرونکو کسانو له خولې لیکلي چې مولر څو اونۍ وړاندې په یو غوښتنلیک کې له ” ډوچې بانک “ څخه د پیسو او کریډیټونو د ځینو اېستنو په اړه د معلوماتو غوښتنه کړې ده.
یاد بانک تر دې وړاندې هم د رازونو د قانون له مخې داسې غوښتنې رد کړې دي او وايي چې دوی به د خپل یوه صارف په اړه هم څه تبصره ونکړي.
د ولسمشر ډونلډ ټرمپ وکیل جې سیکولو دا رپوټونه دروغ بللي دي.
روبرټ مولر د امریکا د ۲۰۱۶م کال پر ولسمشریز ټاکنو د روس د ممکنه اغېز په اړه پلټنې کوي.
