د لاسرسي ځای

تازه خبر

متحده عرب امارات د افغانستان په باب یو لوی کنفرانس کوي


افغانستان: د ابو دبۍ ځایناستی شهزاده محمد زاید بن سلطان ال-نهیان له ولسمشر محمد اشرف غني سره د لیدو مهال. ۰۹ نومبر ۲۰۱۷ 

د افغانستان ولسمشر وايي متحده عرب امارات به په نږدې راتلونکي کې د افغانستان په اړه د يوه لوى کنفرانس کوربه وي.

محمد اشرف غني دا خبره د یکشنبې ورځې ماښام د ملي شورا له ریيسانو، اداري پلاویو او غړیو سره په ارګ کې د کتنې پر مهال وکړه. ښاغلي غني و نه ويل، چې دغه کنفرانس به کله جوړېږي، خو ويې ويل، چې په دې برخه کې په ګډه پر چمتووالي کار کوي.

د افغانستان ولسمشر وويل، متحده امارات د اول عربي هېواد په توګه د افغانستان له هوايي ځواک سره مرستې ته تيار دى او په افغانستان کې به د سولې او ثبات د ټينګښت لپاره له ټولو امکاناتو کار واخلي.

ولسمشر غني وويل، د افغانانو د غوښتنو د عملي کېدو لپاره تر ٤٠ کلونو وروسته نړيوال ماحول بدل شوى. د افغانستان ولسمشر په خپلو خبرو کې وويل، ټاپي پروژه به په درېوو مياشتو کې د افغانستان خاورې ته داخله شي.

د دې پروژې په مرسته د ترکمنستان ګاز د افغانستان له لارې پاکستان او بيا هند ته انتقالېږي. دغه پروژه دوه کاله مخکې د ولسمشر غني او د ترکمنستان د ولسمشر قربان قلي بيردي محمدوف له خوا پرانيستل شوې وه.

د مشال ویډیوګانې، انځورونه

انځورونه، ویډیوګانې

د روسۍ فوټبال ډلې مېنوال
تم شئ

هېڅ میډیايي سرچینه اوس نشته

0:00 0:01:21 0:00
تفصیل...
XS
SM
MD
LG