د ملګرو ملتونو اداره يونيسف وايي چې سږ کال په نړۍ کې د ګوزڼ څوارلس کېسونه پېښ شوي چې ټول یې په پاکستان او افغانستان کې دي. دې ادارې د اتوار په ورځ په يوه خبرپاڼه کې وويل چې په دې کېسونو کې نهه په افغانستان او پنځه په پاکستان کې ثبت شوي دي نو ځکه بايد دواړوه هېوادونه په ټینګه همغږۍ د دې رنځ مخه ونيسي.
په خبرپاڼه کې زياته شوې چې د ګوزڼ وايرس نابودولو لپاره يې د يادو هېوادونو ترمنځ د کندهار ولايت سپين بولدک سيمه مرکزي ټکی ټاکلی دی.
