د لاسرسي ځای

تازه خبر

د بلوچستان د پولیسو مرستیال مشر حامد شکیل ووژل شو


د بلوچستان په مرکز کوټه کې یوې بمي چاودنې د صوبې د پولیسو مرستیال مشر حامد شکیل او دوه نور پولیس وژلي دي.

د چارشنبې په سهار د کوټې پر ایرپورټ روډ د چمن هاوسنګ سکیم و مخې ته داسې چاودنه شوې ده چې غږ یې تر لرې اورېدل شوی دی.

چاودنه په داسې وخت کې شوې ده چې د بلوچستان د پولیسو مرستیال مشر حامد شکیل په خپل موټر کې له کوره دفتر ته روان وو.

په دې پېښه کې د حامد شکیل تر څنګ د هغه یو امنیت ساتونکی رمضان او موټر چلونکی خلیل احمد هم وژل شوي او څلور نور ساتونکي ټپي شوي دي.

د پولیسو چارواکي وايي چې هلته له لګېدلو کېمرو څخه اخیستل شوې لومړۍ نښې ښيي چې دا یو ځانمرګی برید وو.

د دوی په وینا ، یو کس د حامد شکیل موټر ته تر نژدې کېدو وروسته چاودنه کېږي خو لا هم په رسمي توګه د دې چاودنې د څرنګوالي پخلی نه دی شوی.

تحریک طالبان پاکستان د دې پېښې زمه واري منلې ده. د بلوچستان وزیر اعلی نواب ثناء الله زهري او ګورنر محمد خان اڅکزي پر یاده پېښه د خواشینۍ تر څنګ ویلي چې په صوبه کې به د ترهګرۍ مخه نیسي.

د چاودنې د ځای عکس
د چاودنې د ځای عکس

په دې وروستیو کې په بلوچستان او په ځانګړې توګه کوټه کې د پولیسو په نښه کولو پېښې زیاتې شوې دي.

د روان کال په جون میاشت کې د کوټې ښار په مرکزي برخه کې د بلوچستان د پولیسو د مشر د دفتر مخې یو ځانمرګي موټر په بارودو الوزولی وو چې له امله یې د ۷ پولسو په ګډون ۱۳ کسان وژل شوي وو.

د هم دې کال د جولايي پر لسمه نېټه د چمن په ښار کې یو ځانمرګی برید شوی وو چې هلته د پولیسو مشر ساجد مومند او د هغه موټر چلونکی پکې وژل شوي وو.

د جولايي پر ۱۳مه نېټه بیا په کوټه کې د پولیسو د یو ځايي لوړپوړي چارواکي مبارک شاه پر موټر ډزې شوې وې چې په نتیجه کې یې د نوموړي په ګډون د هغه څلور ساتونکي هم وژل شوي وو.

په اکتوبر میاشت کې د کوټې په سریاب سیمه کې یو ځانمرګي خپل موټر د پولیسو له یو لارۍ سره ټکي کړی وو چې له کبله یې د یو لاروي تر څنګ ۷ پولیس وژلي وو.

د مشال ویډیوګانې، انځورونه

انځورونه، ویډیوګانې

پي ټي اېم: سوات کې پوځي چاوڼۍ نه منو
تم شئ

هېڅ میډیايي سرچینه اوس نشته

0:00 0:02:50 0:00
تفصیل...
XS
SM
MD
LG