د لاسرسي ځای

ضياالدين يوسفزی وايي ترهګرو نه غوښتل چې ملالا د کوڅې په يو سکول کې تعليم ترلاسه کړي خو نن هغه د خپل استاد پلار په برکت په اکسفورډ پوهنتون کې ده.

ضياالدين وايي د قامونو د تقدير جوړښت په سکولونو ،کالجونو او پوهنتونونو کې استادان کوی.

ضياالدين چې د نړيوال تعليم لپاره د ملګرو ملتونو ځانګړی مشاور هم دی وايي په وروسته پاتې هيوادونو کې استادان ډېرې ستونزې لري چې له وجې يې د زدهکونکو پر تعليم ډېر بد اثرات پرېوځي.

نوموړی وايي ترڅو چې د ډاکټرۍ او انجينېرۍ په څېر د روزګارونو ارزښت استادۍ ته نه وي ورکړل شوی نو تر هغو د يو هيواد ټولې ادارې نه شي سمېدی.

ضياالدين وايي حکومتونو ته پکار دي چې استادانو ته ټولې اسانتياوې برابرې کړي چې دارنګ ټول پام يې د ښوونې عمل ته وي. نوموړي پر حکومتونو غږ وکړ چې استاذانو ته په جديدو بنيادونو روزنه هم ورکړي.

د ده په خبره هغه کس چې د برداشت ماده پکې نه وي بايد استاد جوړ نه شي.

ضياالدين چې د ملالې يوسفزۍ استاد هم دی له ده مو د نورو پوښتنو ترڅنګ دا هم تپوسلي چې د ملالې يوسفزۍ په ژوند کې د يواستاد په حیث د دوی څه رول دی؟

د خپرونې کوربه اسرار عالم مومند دی.

XS
SM
MD
LG